या प्रकारचा व्हिडीओ समोर आल्यानंतर उपायुक्त राहुल मदने यांनी अंबाझरी पोलिसांना कारवाई करण्याच्या सूचना दिल्या.
नागपूर । नगर सह्याद्री
हुक्का पार्लरमध्ये प्रवेश नाकारल्याने धरम पेठेत दोन गटामध्ये वादावादी झाली. गुन्हेगार सागर यादव याने प्रतिस्पर्धी टोळीतील गुंडांना शिवीगाळ करत धमकी दिल्याने गोकुळ पेठेत तणावाचे वातावरण निर्माण झाले आहे. घडलेली घटना रविवारी रात्रीच्या दरम्यान घडली. अंबाझरी पोलिसांनी दोन्ही गटांविरुद्ध गुन्हा दाखल करून सात आरोपीला अटक केले आहे.
धरमपेठेतील गोकुळ पेठेत शोशा हुक्का पार्लर आहे. रविवारी साडेबारा वाजता सीताबर्डीतील सलमान सुफी त्याच्या सात-आठ साथीदारांसह शोशा हुक्का पार्लरमध्ये गेल्यावर गर्दीचे कारण देत सुरक्षारक्षकाने सुफी आणि त्याच्या साथीदारांना प्रवेश देण्यास नकार दिला. सुफी आणि त्याच्या साथीदारांनी हुक्का पार्लरसमोर गोंधळ घालण्यास सुरुवात केली.
प्रीतम त्याच्या साथीदारांसह तेथे पोहचल्याने सुफी आणि त्याच्या साथीदारांशी वाद झाला. पोलिस येण्याच्या भीतीने दोन्ही गटातील गुन्हेगार तेथून पळून गेले. काही वेळाने पुन्हा काही तरुण तेथे जमा झाले आणि त्यांनी गोंधळ घालण्यास सुरुवात केल्याने या प्रकारचा व्हिडीओ समोर आल्यानंतर उपायुक्त राहुल मदने यांनी अंबाझरी पोलिसांना कारवाई करण्याच्या सूचना दिल्या.
COMMENTS