छावणी मंडळ हद्दीतील समस्यांकडे आ. जगतापांनी वेधले संरक्षणमंत्र्याचे लक्ष

अहमदनगर / नगर सह्याद्री   आ. संग्राम जगताप हे नेहमीच शहराच्या विकासासाठी प्रयत्नशील असतात. आज त्यांनी अहमदनगर छावणी मंडळ हद्दीतील विविध प्रश...

अहमदनगर / नगर सह्याद्री 

आ. संग्राम जगताप हे नेहमीच शहराच्या विकासासाठी प्रयत्नशील असतात. आज त्यांनी अहमदनगर छावणी मंडळ हद्दीतील विविध प्रश्‍नांसंदर्भात थेट संरक्षणमंत्री राजनाथ सिंह यांचे लक्ष वेधले. प्रवरा नगर येथे आमदार संग्राम जगताप यांनी संरक्षण मंत्री राजनाथ सिंह यांना निवेदन दिले. 

सदर निवेदनांत म्हटले आहे की, शहर विधानसभा मतदार संघात नगर शहरासह भिंगार उपनगरात असलेल्या अहमदनगर छावणी परिषद क्षेत्राचा समावेश होतो. हे शहर पश्‍चिमेला सीना नदी आणि पूर्वेला लष्कराच्या जमिनी आणि संस्थांना लागून आहे. नगर शहर हे एक विकसनशील शहर म्हणून उदयास येत आहे. नगर शहरात आणि शहराच्या सीमेवर लष्कराच्या आस्थापना मोठ्या प्रमाणात आहेत. या संस्थांकडे संरक्षण विभागाच्या नियमावलीनुसार शहरातील नागरिक आणि विकासकांची घरे आणि वैयक्तिक मालमत्ता आहेत. यानुसार, एखाद्याला लष्करी आस्थापनांजवळ एक मजली इमारत बांधायची असल्यास 100 मीटर आणि बहुमजली इमारतीसाठी 500 मीटर अंतर राखणे आवश्यक आहे.

कडक नियमांमुळे नागरिकांना त्या जागांचा विकास योग्य प्रकारे करता येत नसल्याने अनेक अडचणींना सामोरे जावे लागते. त्यामुळे शहराचा विस्तार आणि परिणामी विकास मर्यादित झाला आहे. तसेच नगर शहरासह भिंगार उपनगरात अहमदनगर छावणी मंडळ क्षेत्राचा समावेश होतो. या परिसरात असलेले बेल्हेश्‍वर मंदिर हे प्राचीन मंदिर असून, येथे दररोज भाविकांची गर्दी असते. वीर गोगादेव महाराज मंदिर आहे. 

हे मंदिर एक महत्त्वाचे धार्मिक क्षेत्र आहे. अनेक भाविक या मंदिराला भेट देतात, ही दोन्ही मंदिरे संरक्षण विभागाच्या अंतर्गत अहमदनगर छावणी मंडळाच्या आवारात येतात. सुरक्षेसाठी व  इतर कारणांमुळे हे मंदिर वर्षातून अनेकवेळा बंद ठेवले जाते, कधी हे मंदिर बंद ठेवले जाते तर कधी उघडे ठेवले जाते, या कारणांमुळे मंदिर सदैव चालू राहावे, अशी इच्छा भाविकांनी व्यक्त केली आहे. या धार्मिक स्थळांप्रती धार्मिक लोकांची असलेली श्रद्धा लक्षात घेऊन अहमदनगर छावणी मंडळ परिसरातील बेल्हेश्‍वर मंदिर व वीर गोगादेव मंदिर सदैव उघडे ठेवावे. नगर शहरासह भिंगार उपनगरात असलेल्या अहमदनगर छावणी मंडळ क्षेत्राचा समावेश होतो. या भागात राहणार्‍या नागरिकांना अनेक समस्यांना सामोरे जावे लागत आहे. 

हा परिसर नगर शहराचा विकसनशील भाग असल्याने येथे मोठ्या प्रमाणात इमारती व व्यापारी संकुले असून छावणी परिषदेच्या काही नियमांमुळे येथे नागरी व विकासाच्या समस्या आहेत. महाराष्ट्र राज्य सरकारच्या विभागानुसार तिथे गेल्यास या भागाच्या विकासासाठी त्याचे सकारात्मक परिणाम दिसून येतील. याअंतर्गत नागरिकांना सुविधा देण्यासाठी कर्मचार्‍यांची संख्या खूपच कमी आहे. कॅन्टोन्मेंट बोर्डांतर्गत काम करणार्‍या कर्मचार्‍यांना 24 महिन्यांचा पगार मिळतो, हे खूप आहे.

 या भागाच्या विकासासाठी केंद्र सरकारकडून मोठ्या प्रमाणात निधी मिळण्याची अपेक्षा असतानाही शासनाकडून पुरेसा निधी मिळत नाही. आमदार निधीतून विकास कारायचा असेल तर छावणी मंडळाच्या अनेक परवानग्या घ्याव्या लागतात. त्यामुळे विकास सुविधांना विलंब होतो. 

त्यामुळे विकासात अडचण निर्माण झाली आहे. छावणी मंडळाच्या सदस्यांची अनेक दिवस सभा न घेतल्याने अनेक समस्या प्रलंबित आहेत. छावणी मंडळ संचलित रूग्णालयात नागरिकांवर उपचार करण्यासाठी डॉक्टरांची संख्या कमी असल्याने नागरिकांचे आरोग्य धोक्यात आले आहे. या सर्व प्रश्‍नांचे निराकरण करावे, अशी मागणी निवेदनात करण्यात आली आहे.