गोरक्षकांनी केली एका २३ वर्षीय तरुणाची हत्या!

महाराष्ट्रातील नाशिक जिल्ह्यात गुरांची वाहतूक करत असताना एका २३ वर्षीय तरुणाची गोरक्षकांनी हत्या केल्याचा आरोप आहे.

मुंबई / नगर सह्याद्री - 

महाराष्ट्रातील नाशिक जिल्ह्यात गुरांची वाहतूक करत असताना एका २३ वर्षीय तरुणाची गोरक्षकांनी हत्या केल्याचा आरोप आहे. याप्रकरणी पोलिसांनी सहा जणांना अटक केली आहे. हा गुन्हा १० जून रोजी उघडकीस आला जेव्हा लुकमान अन्सारी यांचा मृतदेह घाटनदेवी येथील एका खंदकातून सापडला होता.

अधिकाऱ्याने सांगितले की, पोलिसांनी आतापर्यंत सहा गोरक्षकांना ताब्यात घेतले आहे. त्याचबरोबर अन्य आरोपींचा शोध सुरू आहे. सर्व आरोपी उजव्या विचारसरणीच्या राष्ट्रीय बजरंग दलाशी संबंधित असल्याचे सांगण्यात येत आहे.

अन्सारी त्याच्या दोन साथीदारांसह ८ जून रोजी त्याच्या टेम्पोतून गुरे घेऊन जात होता. ठाणे जिल्ह्यातील सहापूर येथील विहीगाव येथे सुमारे १०-१५ कार्यकर्त्यांनी त्यांना अडवले. त्यांनी त्यातील चार गायींना वाचवले. नंतर त्यांनी घाटनदेवीकडे एका निर्जनस्थळी टेम्पो थांबवून अन्सारी आणि त्याच्या दोन साथीदारांशी भांडण सुरू केले. अन्सारीचे दोन्ही साथीदार पळून जाण्यात यशस्वी झाले, पण अन्सारीला आरोपींनी पकडले. 

आरोपींनी सांगितले की अन्सारीचा खड्ड्यात पडून मृत्यू झाला. मात्र, मारहाणीमुळे त्याचा मृत्यू झाल्याचा संशय पोलिसांनी व्यक्त केला आहे. आरोपींविरुद्ध भारतीय दंड संहितेच्या कलम ३०२ (हत्या) अंतर्गत गुन्हा दाखल करण्यात आला असून, अधिक तपास सुरु आहे.