पारनेर खरेदी विक्री संघ उर्जितावस्थेत आणू; खा. विखे

पारनेर खरेदी विक्री संघ निवडणुकीतील विजयी उमेदवारांचा खासदार सुजय विखेंकडून सत्कार  पारनेर | नगर सह्याद्री- माजी खासदार कै. बाळासाहेब विखे प...

पारनेर खरेदी विक्री संघ निवडणुकीतील विजयी उमेदवारांचा खासदार सुजय विखेंकडून सत्कार 

पारनेर | नगर सह्याद्री-

माजी खासदार कै. बाळासाहेब विखे पाटील, त्यानंतर पालकमंत्री राधाकृष्ण विखे पाटील आणि आता खासदार म्हणुन माझ्यावर जो विश्वास पारनेरकर दाखवत आहेत. तो विश्वास सार्थ ठरवुन खरेदी विक्री संघ उर्जितावस्थेत आणुन मतदारांची उतराई करण्याचा प्रयत्न करणार असल्याची ग्वाही खासदार डॉ. सुजय विखे पाटील यांनी दिली. 

लोणी प्रवरा (ता.राहता) येथील जनसेवा कार्यालयात पारनेर तालुका खरेदी विक्री संघ निवडणुकीत भाजपा विखे गटाने सर्व जागा जिंकून एकहाती वर्चस्व प्रस्थापित केल्याबद्दल १५ उमेदवार व पॅनल प्रमुखांचा सत्कार करण्यात आला. त्यावेळी विजयी उमेदवारांना खासदार डॉ.विखे यांनी मार्गदर्शन केले.

लोकप्रतिनिधींकडून खरेदी विक्री संघ निवडणुक प्रतिष्ठेची केली होती. ते स्वतः व पक्षाचे पदधिकारी मतदान केंद्रावर तळ ठोकून होते. मतदान पार पडल्यानंतर विजयाचे दावे करत होते. आम्ही मात्र प्रचार यंत्रणेवर जोर देत शांततेत ही निवडणूक प्रक्रिया पार पडली आणि सर्व उमेदवार एकहाती निवडून आले आहेत.

- राहुल शिंदे पाटील, युवा नेते पारनेर

यावेळी राहुल शिंदे पाटील, विश्वनाथ कोरडे, सचिन वराळ पाटील, तालुकाध्यक्ष सुनील थोरात, विकास रोहोकले, दिनेश बाबर, दत्ता पवार, पंकज कारखिले, शिवाजी खिलारी, संदीप सालके, बाळासाहेब रेपाळे, मनोज मुंगसे, सुभाष दुधाडे, वसंत चौधरी, गोरख पठारे, बाबासाहेब चव्हाण यांच्या सह खरेदी विक्री संघाचे संचालक बाजीराव अलभर, प्रमोद कावरे, सुनील  पवार, संग्राम पावडे, सतीश पिंपरकर, दत्तात्रय रोकडे, गंगाधर रोहकले, प्रसाद शितोळे, शैलेश संपत औटी, रघुनाथ खिलारी, ज्योती संदिप ठुबे, मते रेखा संजय, अण्णा बबन शिंदे, मधुकर हरिभाऊ पठारे, भाऊसाहेब मेचे विजयी उमेदवार उपस्थित होते. खासदार डॉ.विखे म्हणाले, सत्तेच्या माध्यमातून खरेदी विक्री संघाला विविध योजनेअंतर्गत निधी उपलब्ध करू तालुका भाजपा व शिवसेना यांनी एकत्रितपणे प्रचार यंत्रणा राबवुन चांगले यश मिळविले आहे.