रॅपिडो कॅप्टनच्या मदतीने वाचले सहा वर्षांच्या मुलीचे जीवन!

२४ वर्षीय कल्याण हा करमथोट मेट्रो स्टेशनजवळ थांबला असताना त्याने एका भाजी विक्रेत्याला सहा वर्षांच्या मुलीसोबत गैरवर्तन करताना पाहिले.

नवी दिल्ली / नगर सह्याद्री -

हैदराबादमधील एरम मंझिल मेट्रो स्टेशनवर एका भाजी विक्रेत्यापासून सहा वर्षांच्या मुलीला वाचवल्याबद्दल रॅपिडो कॅप्टनचे कौतुक केले जात आहे. २४ वर्षीय कल्याण हा करमथोट मेट्रो स्टेशनजवळ थांबला असताना त्याने एका भाजी विक्रेत्याला सहा वर्षांच्या मुलीसोबत गैरवर्तन करताना पाहिले.

त्यावेळी कल्याणला खूप अस्वस्थ वाटत होते. हे पाहून तो स्वत:ला रोखू शकला नाही आणि मुलीला वाचवण्यासाठी विक्रेत्याकडे चौकशी करू लागला. यादरम्यान विक्रेत्याने मुलीला आपली मुलगी म्हटले. कल्याणला तेथील परिस्थिती आवडली नाही तेव्हा त्याने तत्काळ पोलिसांना बोलावले.पोलिसांना वेळीच माहिती दिल्यानंतर आरोपी अफरोज खान याला अटक करण्यात आली.

कल्याणच्या शौर्याचे कौतुक करताना रॅपिडोचे संस्थापक पवन गुंटुपल्ली म्हणाले, "रॅपिडो कुटुंबात असा सदस्य असल्याचा मला खूप अभिमान वाटतो. कल्याण हा समाजासाठी एक प्रेरणास्थान बनला आहे. त्याच्या कार्याचा समाजावर कायमस्वरूपी प्रभाव पडेल."

अतिरिक्त पोलीस महासंचालक शिखा गोयल यांनी कल्याणच्या धाडसाचे आणि तत्पर विचाराचे कौतुक केले. आंध्र प्रदेशात जन्मलेल्या कल्याणने २०२० मध्ये जेएनटीयूए कॉलेज ऑफ इंजिनीअरिंग, पुलिवेंदुला येथून मेकॅनिकल इंजिनिअरिंगची पदवी पूर्ण केली. सध्या तो यूआय/यूएक्स कोर्ससह रॅपिडो कॅप्टन म्हणूनही काम करत आहे.