नायगांव येथे राज्यातील पहिल्या शासकीय वाळू विक्री केंद्राचे उद्घाटन ः वाळू विक्री ऑनलाईन प्रणालीचे लोकार्पण संगमनेर | नगर सह्याद्री सर्वसामा...
नायगांव येथे राज्यातील पहिल्या शासकीय वाळू विक्री केंद्राचे उद्घाटन ः वाळू विक्री ऑनलाईन प्रणालीचे लोकार्पण
संगमनेर | नगर सह्याद्री
सर्वसामान्य जनतेला ६०० रूपयांत घरपोच एक ब्रास वाळू मिळणार आहे. राज्यातील या निर्णयाची सुरुवात अहमदनगर जिल्ह्यातून महाराष्ट्र दिनी झाली. सर्वसामान्यांचे हितासाठी शासनाने घेतलेला हा क्रांतिकारी निर्णय आहे.” असे प्रतिपादन राज्याचे महसूल, पशुसंवर्धन, दूग्ध व्यसाय विकास मंत्री् तथा पालकमंत्री राधाकृष्ण विखे-पाटील यांनी येथे केले.
महाराष्ट्र राज्यातील पहिल्या शासकीय वाळू विक्री केंद्राचे उद्घाटन व वाळू विक्री ऑनलाईन प्रणालीचे लोकार्पण श्रीरामपूर तालुयातील नायगांव येथे महसूलमंत्र्यांच्या हस्ते झाले. यावेळी यावेळी श्रीरामपूरचे आमदार लहू कानडे, जिल्हाधिकारी सिद्धाराम सालीमठ, जिल्हा परिषदेचे मुख्य कार्यकारी अधिकारी आशिष येरेकर, अपर जिल्हाधिकारी सुहास मापारी, अपर पोलीस अधीक्षक स्वाती भोर, नायगांवचे सरपंच राजाराम राशीनकर, दीपक पठारे आदी उपस्थित होते.
महसूलमंत्री विखे पाटील म्हणाले, बेकायदेशीर वाळू उत्खनातून महाराष्ट्रात वाळू माफियांचे साम्राज्य निर्माण झाले होते. अवैध वाळू विक्री वाढली होती्. पर्यावरणाची हानी होत होती. यातून शासनाचाही महसूल बुडत होता. यामुळे शासनाने सर्वसामान्य नागरिकांना माफक दरात वाळू उपलब्ध करुन देण्यासाठी वाळूचे उत्खनन, साठवणूक व विक्री ऑनलाईन प्रणालीद्वारे करण्याचा निर्णय घेतला. १ जूल्पैासून जमीन मोजणीसाठी ऑनलाईन अर्ज करणार्‍यांना १५ दिवसांत जमीन मोजणी करून नकाशे दिले जातील. विद्यार्थ्यांना एकाच अर्जाद्वारे नऊ प्रकारचे दाखले दिले जातील. पालकमंत्र्यांच्या हस्ते वाळू ब्रासच्या राज्यातील पहिल्या लाभार्थी मंगल व्यवहारे (रा. मातुलठाण), नंदा गायकवाड (रा.नायगांव) यांना प्रमाणपत्र देण्यात आले. राधाकिसन दडे व बाळासाहेब वाघचौरे यांनाही वाळू लाभ प्रमाणपत्र देण्यात आले.
असा असणार आहे वाळू डेपो
नायगाव वाळू डेपोसाठी गोदावरी नदीपात्रातून मातुलठाण येथील ३ तर नायगाव येथील २ वाळुसाठे उपलब्ध करण्यात आले आहेत. या उत्खन्नाचा व वाळू डेपोचा ठेका श्रीरामपूर येथील देवा इंटरप्राईजेस’ या संस्थेला देण्यात आला आहे. ग्राहकांना ’महाखनिज’ या ऑनलाईन अ‍ॅपवर मागणी नोंदवल्यानंतर ६०० रुपये ब्रास व वाहनाच्या प्रकारानुसार प्रति किलोमीटर दर ठरवून घरपोच वाळू दिली जाईल. एका कुटुंबाला एका महिन्यात जास्तीत जास्त १० ब्रास वाळू उपलब्ध केली जाणार आहे. नायगावचा डेपो प्रायोगिक तत्त्वावर आहे. ग्राहकांचा प्रतिसाद पाहून आणखी डेपो सुरू केले जाणार आहेत. वाळू वाहतूक करणार्‍या वाहनांमध्ये जीपीएस सिस्टीम असल्याने भष्ट्राचार, अनियमितेला शून्य वाव आहे. वाळू डेपोंचे काम ुुु.ारहरज्ञहरपळक्ष.ारहरीरीहीींर.र्सेीं.ळप या ऑनलाईन प्रणालीच्या माध्यमातून चालणार आहे. या संकेतस्थळावर जिल्हानिहाय वाळू साठे व शिल्लक ब्रासची आकडेवारी दैंनदिन प्रसिध्द होईल. नागरिक घरबसल्या वाळू मागणी ऑनलाईन नोंदवू शकणार आहेत.
COMMENTS