आरआरआर दिग्गज खलनायक रे स्टीव्हनसन यांचे निधन!

एसएस राजामौली यांचा ब्लॉकबस्टर चित्रपट 'आरआरआर' मध्ये खलनायकाची भूमिका करणारे आयरिश अभिनेते रे स्टीव्हनसन यांचे वयाच्या ५८ व्या वर्षी निधन झाले.

नवी दिल्ली / नगर सह्याद्री - 

एसएस राजामौली यांचा ब्लॉकबस्टर चित्रपट 'आरआरआर' मध्ये खलनायकाची भूमिका करणारे आयरिश अभिनेते रे स्टीव्हनसन यांचे वयाच्या ५८ व्या वर्षी निधन झाले. मात्र, त्यांच्या मृत्यूचे कारण अद्याप समोर आलेले नाही. २५ मे १९६४ रोजी लिस्बर्न येथे जन्मलेले, स्टीव्हनसन वयाच्या आठव्या वर्षी इंग्लंडला गेले आणि त्यांनी ब्रिस्टल ओल्ड विक थिएटर स्कूलमध्ये शिक्षण घेतले. वयाच्या २९ व्या वर्षी त्यांनी चित्रपट आणि टीव्ही शोमधून आपल्या करिअरची सुरुवात केली.

१९९८ मध्ये आलेल्या 'द थिअरी ऑफ फ्लाइट' या चित्रपटातून त्यांना यश मिळाले. या चित्रपटात त्यांनी गिगोलोची भूमिका साकारली होती. याशिवाय पनीशर: वॉरमधील आपल्या अभिनयाने त्यांनी सर्वांची मने जिंकली. आरआरआर चित्रपटात बॅडीची भूमिका केल्यानंतर, स्टीव्हनसन एक्सिडेंट मॅन: हिटमॅन हॉलिडे या चित्रपटात दिसले.

याशिवाय त्यांनी एचबीओ आणि बीबीसीच्या २२ भागांमध्येही काम केले आहे. त्यांनी अलीकडेच १२४२ चित्रपटात केविन स्पेसीची जागा घेतली. गेटवे टू द वेस्ट या चित्रपटात त्यांनी मंगोल सैन्याविरुद्ध हंगेरियन धर्मगुरूची भूमिका केली होती.