गेल्या २४ तासात कोरोना रुग्णांत २,१०९ वाढ!

भारतात गेल्या २४ तासात २,१०९ कोरोना रुग्ण आढळले असून, १५ मृत्यूची नोंद झाली आहे.

नवी दिल्ली / नगर सह्याद्री - 

भारतात गेल्या २४ तासात २,१०९ कोरोना रुग्ण आढळले असून, १५ मृत्यूची नोंद झाली आहे. राज्यातील एकूण संक्रमित लोकांची संख्या ४,४९,७४,९०९ वर पोहोचली आहे. देशातील एकूण मृतांची संख्या ५,३१,७२२ वर पोहोचली आहे. यात मृत्यूचे प्रमाण १.१८% आहे.

२४ तासांच्या कालावधीत कोविड-१९ चे २१,४०६ सक्रिय रुग्ण आढळले आहेत. यात कालच्या तुलनेत १,३३६ रुग्णांनी घट झाली आहे. एकूण संक्रमितांच्या तुलनेत हे प्रमाण ०.०५% आहे. 

गेल्या २४ तासात कोरोनाचे ३,४३० रुग्ण बरे झाले असून, रुग्णांचा राष्ट्रीय बरा होण्याचा दर ९८.७७% झाला आहे. तर एकूण बरे झालेल्यांची संख्या ४,४४,२१,७८१ आहे.

१५ नवीन मृत्यूंमध्ये केरळ ०७, महाराष्ट्र आणि दिल्लीमधील प्रत्येकी ०२, तमिळनाडू, राजस्थान, छत्तीसगड आणि हरियाणामधील प्रत्येकी एका व्यक्तीचा समावेश आहे.    

कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २,२०,६६,८४,५७० कोटींहून अधिक डोस देण्यात आले आहेत.