आईच्या आजारपणाचा गैरफायदा घेत तरूणीवर अत्याचार

अहमदनगर | नगर सह्याद्री  आईच्या आजारपणाचा गैरफायदा घेत तरूणीवर वेळोवेळी अत्याचार केल्याचा प्रकार समोर आला आहे. मुळची नाशिकची व सध्या नगर शहर...

अहमदनगर | नगर सह्याद्री 

आईच्या आजारपणाचा गैरफायदा घेत तरूणीवर वेळोवेळी अत्याचार केल्याचा प्रकार समोर आला आहे. मुळची नाशिकची व सध्या नगर शहरात राहणार्‍या पीडित तरूणीने तोफखाना पोलीस ठाण्यात फिर्याद दिली आहे.फिर्यादीवरून अतुल मोहन अपील (रा. आलमगीर, भिंगार) याच्याविरूद्ध गुन्हा दाखल केला आहे. गुन्हा दाखल होताच तोफखाना पोलिसांनी त्याला अटक केली आहे. 

सन २०१५ पासून १ मे २०२३ पर्यंत वेळोवेळी ही घटना घडल्याचे फिर्यादीत म्हटले आहे. सन २०१५ मध्ये फिर्यादी तरूणीची आई आजारी असल्याने तिला मदतीची आवश्यकता होती. अतुल तिला म्हणाला, मी तुझ्या आईच्या दवाखान्याचा सर्व खर्च करतो, परंतु मी जे सांगेल ते तुला करावे लागेल. असे म्हणून त्याने आईच्या आजारपणाचा गैरफायदा घेत तरूणीवर वेळोवेळी लग्नाचे आमिष दाखवून शारिरीक संबंध ठेवले. 

त्याच्यापासून तरूणीने दोन मुलांना जन्म दिला. त्याने तरूणीसोबत  लग्न न करता फक्त लग्नाचे आमिष दाखवून संबंध ठेवले. पीडिताने त्याला विरोध केला असता तो तिला मारहाण करीत असे. तसेच बदनामी करेल, असे म्हणून जीवे मारण्याची धमकी देत असे. तोफखाना पोलीसांनी अतुल मोहन अपील विरोधात अत्याचाराचा गुन्हा दाखल केला आहे. त्याला पोलिसांनी ताब्यात घेत अटक केली.