मुंबईत बॉम्बस्फोट करणार…; 'त्या' ट्विटने खळबळ

मुंबई। नगर सहयाद्री - महाराष्ट्रात बॉम्बस्फोटाच्या धमकीची प्रकरणे सातत्याने समोर येत आहेत. यावेळी मुंबई पोलिसांच्या ट्विटर हँडलला टॅग करत धम...

मुंबई। नगर सहयाद्री -

महाराष्ट्रात बॉम्बस्फोटाच्या धमकीची प्रकरणे सातत्याने समोर येत आहेत. यावेळी मुंबई पोलिसांच्या ट्विटर हँडलला टॅग करत धमकीची पोस्ट टाकण्यात आली आहे ट्विटमध्ये आरोपीने लिहिले की, मी मुंबईत बॉम्बस्फोट करणार आहे...पण यंदा फोन किंवा ईमेलवरुन नाहीतर थेट ट्विटरवरुन  धमकी मिळाली आहे.  ही पोस्ट २२ मे रोजी सकाळी ११ वाजण्याच्या सुमारास करण्यात आली होती, असे पोलिसांचे म्हणणे आहे.

महाराष्ट्राची राजधानी मुंबईत पुन्हा एकदा दहशत माजवण्याची धमकी पोलिसांना मिळाली आहे. आतापर्यंत जिथे पोलिसांना फोन आणि ई-मेलच्या माध्यमातून धमक्या मिळत होत्या, तिथे आता एका व्यक्तीनं ट्विटरच्या माध्यमातून मुंबईत दहशत माजवण्याची धमकी दिली आहे.

पोलिसांच्या सूत्रांनी दिलेल्या माहितीनुसार, सोमवारी (२२ मे) सकाळी ११ वाजण्याच्या सुमारास मुंबई पोलिसांच्या ट्विटर अकाऊंटवर "मी लवकरच मुंबईत स्फोट घडवणार आहे" असा मेसेज पाठवला होता. हा मेसेज इंग्रजी भाषेत पाठवण्यात आला होता.  मेसेज पाठवणाऱ्या व्यक्तीनं मेसेजमध्ये लिहिलं होतं की,  "I M Gonna Blast The Mumbai Very Soon." हा मेसेज गांभीर्यानं घेत मुंबई पोलिसांनी संबंधित खात्याची चौकशी सुरू केली आहे.