नाशिक। नगर सहयाद्री - डोळ्यांसमोर मुलीचे अपहरण केले. त्यामुळे अपमानित झालेल्या मुलीच्या आई-वडिलांनी रविवारी सायंकाळी देवळाली कॅम्प परिसरात र...
नाशिक। नगर सहयाद्री -
डोळ्यांसमोर मुलीचे अपहरण केले. त्यामुळे अपमानित झालेल्या मुलीच्या आई-वडिलांनी रविवारी सायंकाळी देवळाली कॅम्प परिसरात रेल्वेखाली आत्महत्या केली. यानंतर संतप्त नातलगांनी साेमवारी संशयित अपहरणकर्त्याच्या घरासमोरच या दोघांच्या मृतदेहावर अंत्यसंस्कार केले. मंजुळा निवृत्ती खातळे (४०), निवृत्ती किसन खातळे (४७) असे आत्महत्या केलेल्या आई आई-वडिलांची नावे आहे.
वृत्तसंस्थाच्या माहितीसमोर,भरवीर बुद्रुक येथील मंजुळा निवृत्ती खातळे (४०), निवृत्ती किसन खातळे (४७) हे दोघे आपल्या १९ वर्षीय मुलीला घेऊन विंचूर दळवी येथील तिचे मामा दिगंबर भीमा शेळके यांच्या घरी रविवारी दुपारी आले होते. पुन्हा विंचूर दळवी येथून पांढुर्लीमार्गे भरवीरकडे दुचाकीवर जाण्यास निघाले. पेट्रोल पंपाच्या समोर अज्ञात वाहनातून आलेल्या समाधान झनकरसह काही तरुणांनी त्यांच्या दुचाकीला गाडी आडवी लावत खातळे दांपत्याला मारहाण करत डोळ्यादेखत मुलीला गाडीत बसवून पलायन केले.
दरम्यान, मुलीला गावातीलच समाधान झनकर या तरुणाने पळून नेल्याने समाजात नामुष्की होईल, बदनामी होण्याच्या भीतीने खताळे दांपत्याने रागाच्या भरात देवळाली कॅम्प येथील रेल्वे स्टेशन समोर भरधाव वेगातील एक्सप्रेस रेल्वेखाली आत्महत्या केली.उत्तरीय तपासणी केल्यानंतर सोमवारी सकाळी दाेन्ही मृतदेह नातेवाइकांच्या ताब्यात देण्यात आले. ते घेऊन रुग्णवाहिका थेट भरवीर गावात दाखल झाल्यानंतर संतप्त ग्रामस्थ आणि नातेवाइकांनी त्यावर मुलाच्या घरासमोरच अंत्यसंस्कार करण्याचा निर्णय घेतला.
COMMENTS