भरधाव पिकअपने चौकात चौघांना उडवलं; दोन जणांचे..

जळगाव। नगर सहयाद्री -  जळगाव जिल्ह्यातील पाचोरा शहरातील महाराणा प्रताप चौकातील दत्त मंदिरासमोर हा भीषण अपघात झाला. भरधाव पिकअप वाहनावरील चाल...

जळगाव। नगर सहयाद्री - 

जळगाव जिल्ह्यातील पाचोरा शहरातील महाराणा प्रताप चौकातील दत्त मंदिरासमोर हा भीषण अपघात झाला. भरधाव पिकअप वाहनावरील चालकाचा ताबा सुटल्याने वाहनाने रस्त्यालगत चौकात असलेल्या मंदिरासमोर बसलेल्या चौघांना उडवल्याची घटना घडली आहे. या अपघातात चार जणांपैकी दोन जणांचे पायाचे जागेवरच तुकडे पडले असून दोन जण किरकोळ जखमी झाले आहेत. वसंत भाईदास पाटील (वय ४२, रा. सुरत), विनोद पाटील (वय ५०, रा. पाचोरा), अमोल वाघ (वय २७, रा. पाचोरा) आणि कुंदन परदेशी (वय, १७, रा. पुनगाव ता. पाचोरा) अशी जखमींची नावे आहेत. 

वृत्तसंस्थाच्या माहितीनुसार, भडगावकडून बुलढाण्याकडे पिकअप वाहन जात होते. वाहन पाचोरा शहरातून जात असताना वाहनावरील चालकाचा ताबा सुटला आणि भरधाव वाहनाने रस्त्यालगत असलेल्या दत्त मंदिरासमोर बसलेल्या वसंत भाईदास पाटील, विनोद पाटील, अमोल वाघ आणि कुंदन परदेशी या चार जणांना जोरदार धडक दिली. धडक एवढी जोरदार होती की, या धडकेनंतर वसंत पाटील आणि विनोद पाटील या दोघांचे दोन्ही पाय गुडघ्यापासून निकामी झाले.

अमोल वाघ आणि कुंदन परदेशी या दोन जणांना किरकोळ दुखापत झाली. तात्काळ जखमींना तात्काळ पाचोरा येथील खासगी रुग्णालयात दाखल करण्यात आले आहे. माहिती मिळाल्यावर पोलिसांनीही घटनास्थळी धाव घेत पंचनामा केला, तसेच अपघातास कारणीभूत पिकअप वाहनावरील चालक आणि क्लिनर या दोघांना पोलिसांनी ताब्यात घेतलं आहे.