भरलेल्या घरात रक्ताचा सडा..! करणी केल्याच्या संशयातून सपासप वार

कोल्हापुर।  नगर सहयाद्री - कोल्हापुर शहरातून एक धक्कादायक बातमी समोर आली आहे. सहकुटुंब घरात जेवत असताना करणी केल्याच्या संशयातून घरात घुसून ...

कोल्हापुर।  नगर सहयाद्री -

कोल्हापुर शहरातून एक धक्कादायक बातमी समोर आली आहे. सहकुटुंब घरात जेवत असताना करणी केल्याच्या संशयातून घरात घुसून तलवारीने सपासप वार करुन एकाचा निर्घृण खून केल्याची घटना कोल्हापूर शहरात घडली. आझाद मकबूल मुलतानी (वय ५४) असं या हल्ल्यात मयत झालेल्या व्यक्तीचे नाव असून मुलतानी यांची सून अफसाना मुलतानी ही यामध्ये जखमी झाली आहे. हल्लेखोर निखिल रवींद्र गवळी (वय २२) स्वत:हून राजाराम पोलिसांकडे हजर झाला. त्यामुळे या घटनेनंतर एकच खळबळ उडाली आहे.

वृत्तसंस्थाच्या माहितीनुसार, कोल्हापूरमधील टेंबलाई उड्डाणपुलाशेजारी असलेल्या बीएसएनएल टॉवरसमोर असलेल्या झोपडपट्टी परिसरात ही घटना घडली. मंगळवार (१६,मे) रोजी रात्री आझाद मुलतानी हे आपल्या सुनेसह रात्री साडे आठच्या सुमारास जेवण करण्यासाठी बसले होते. यावेळी अचानक शेजारी राहणारा निखिल गवळी हा दारूच्या नशेत तलवारीसह घरात घुसला आणि माझ्या घरावर करणी करता का? असे म्हणत मुलतानी यांच्या सुनेवर हल्ला केला. यावेळी आझाद मुलताने हे आपल्या सुनेच्या बचावासाठी पुढे आले. 

त्यांना पाहताच आरोपीने त्यांच्यावरही तलवारीने जोरदार हल्ला करत मुलतानी यांच्या खांद्यावर छातीवर आणि मांडीवर सपासप वार केले. या हल्ल्यात हातावर वर्मी घाव बसल्याने रक्ताच्या ठराव्यात ते जागीच कोसळले. कुटूंबियांनी आरडा ओरडा करताच हल्लेखोर पसार झाला. यानंतर मुलांसह नातेवाईकांनी आझाद मुलतानी यांना सीपीआर रुग्णालयात उपचारासाठी दाखल केलं मात्र उपचार सुरू असतानाच त्यांचा मृत्यू झाला.