देशातील सहा राज्यांमध्ये १०० ठिकाणी NIA ची धाड!

नवी दिल्ली वृत्तसंस्था-  राष्ट्रीय तपास यंत्रणा अर्थात एनआयएने (NIA) देशातील सहा राज्यांमध्ये १०० पेक्षा अधिक ठिकाणी अचानक धाड टाकली आहे. एन...

नवी दिल्ली वृत्तसंस्था- 

राष्ट्रीय तपास यंत्रणा अर्थात एनआयएने (NIA) देशातील सहा राज्यांमध्ये १०० पेक्षा अधिक ठिकाणी अचानक धाड टाकली आहे. एनआयएच्या टीमने हरियाणा, पंजाब, राजस्थान, उत्तर प्रदेश, उत्तराखंड आणि मध्य प्रदेशात या सहा राज्यातील अनेक ठिकाणी छापेमारी करत कारवाई केली आहे. देशातील दहशतवाद, गँगस्टर आणि अमली पदार्थांची तस्कर याला आळा घालण्यासाठी एनआयएकडून हे छापे टाकले जात आहेत.

वृत्तसंस्थाच्या माहितीनुसार, एनआयएने बुधवारी दहशतवाद, अंमली पदार्थ तस्कर आणि गँगस्टरांविरोधात मोठी कारवाई केली. एनआयएने हरियाणा, पंजाब, राजस्थान, उत्तर प्रदेश, उत्तराखंड आणि मध्य प्रदेश या सहा राज्यांमधील १०० पेक्षा अधिक ठिकाणी छापे टाकले. शिख फॉर जस्टिस या बंदी घातलेल्या फुटीरतावादी संघटनेचा सदस्य जसविंदर सिंग मुलतानीच्या साथीदार असलेल्या परिसरात एनआयएकडून झडती घेण्यात येत आहे.

लॉरेन्स बिश्नोईसारख्या टोळीतील सदस्यांना आणि अनेक राज्यांमध्ये पसरलेल्या त्यांच्या सिंडिकेटला तोडण्यासाठी एनआयएकडून हा छापा टाकण्यात येत असल्याचे सांगण्यात येत आहे. मागच्या छाप्यात एनआयएने ७० हून अधिक मोबाईल जप्त केले होते. या मोबाईलमध्ये ड्रग नेक्सस आणि लॉरेन्स बिश्नोईसारख्या टोळीशी संबंधित लोकांची अनेक गुपिते समोर आली होती.