पुणे । नगर सहयाद्री - पुणे जिल्ह्यातील भांडगावमधुन एक धक्कादायक प्रकार समोर आला आहे. एका पत्नीला तिचा पती दारू पिऊन त्रास देत असल्याने पत्न...
पुणे । नगर सहयाद्री -
पुणे जिल्ह्यातील भांडगावमधुन एक धक्कादायक प्रकार समोर आला आहे. एका पत्नीला तिचा पती दारू पिऊन त्रास देत असल्याने पत्नीनेच प्रियकराच्या मदतीने पतीची हत्या करत मृतदेह विहिरीत फेकून दिला असल्याची घटना घडली आहे. इतकंच नाही, तर स्वतःच काही दिवसांपासून आपला नवरा हरवल्याची तक्रार पोलिसात दाखल केली. मात्र पोलिसांनी या प्रकरणाचा तपास करत पत्नी आणि तिच्या प्रियकराविरोधात गुन्हा दाखल केला आहे. या प्रकरणी पोलिसात शीतल सुनील जगताप आणि तिचा बॉयफ्रेण्ड अतुल प्रभाकर चौगुले या दोघांवर गुन्हा दाखल करण्यात आला आहे.
वृत्तसंस्थाच्या माहितीनुसार, पुणे जिल्ह्यातील भांडगाव येथे सुनील जगताप यांचे कुटूंब वास्तव्यास आहे. सुनील जगतापला दारूचे व्यसन होते. तर पत्नी शीतल जगताप आणि गावात राहणारा अतुल चौगुले या दोघांमध्ये प्रेमसंबंध होते. पती सतत दारू पिऊन त्रास देत असल्याने शितल जगताप व तिचा प्रियकर अतुल चौगुले या दोघांनी १५ मे २०२३ रोजी पहाटे ५ वाजण्याच्या सुमारास सुनिल जगताप घरासमोर झोपलेला असताना डोक्यात दगड घालून त्याचा खून केला आणि त्याचा मृतदेह विहिरीत फेकून दिला.
त्यानंतर पत्नी शीतल जगताप हिने बुधवारी ( १७ मे ) रोजी यवत पोलीस ठाण्यात आपला पती सुनील जगताप हा बेपत्ता झाल्याची तक्रार दिली. दरम्यान गुरुवारी (दि.१८) या बेपत्ता असलेल्या सुनील जगताप यांचा मृतदेह विहिरीत आढळून आला. यवत पोलिसांना याबाबत माहिती मिळताच घटनास्थळी दाखल होत मृतदेह बाहेर काढन्याय आला. मृत सुनील जगताप याच्या डोक्याला जखम असल्याने पोलिसांना संशय आला. त्यानुसार पोलिसांनी पत्नीला बोलवून घेत विचारपूस केली. पोलिसांनी खाक्या दाखवताच दोघांनी संगनमताने त्याचा खून केल्याचे समोर आले.
COMMENTS