भावी पोलीसच करतोय परीक्षेत चोरी; कॉपी करण्यासाठी भन्नाट जुगाड

मुंबई। नगर सहयाद्री - मुंबई पोलिस दलाच्या पोलिस कॉन्स्टेबल या पदाच्या भरतीसाठी नुकतीच लेखी परीक्षा पार पडली. पोलिस भरती प्रक्रिया परीक्षेदरम...

मुंबई। नगर सहयाद्री -

मुंबई पोलिस दलाच्या पोलिस कॉन्स्टेबल या पदाच्या भरतीसाठी नुकतीच लेखी परीक्षा पार पडली. पोलिस भरती प्रक्रिया परीक्षेदरम्यान गैरप्रकार झाल्याची घटना समोर आली आहे.बोरिवलीतील जे बी खोत शाळेतील परीक्षा केंद्रावर ब्लूटूथद्वारे कॉपी करणाऱ्या तरुणाला पोलिसांनी अटक केली आहे. 

वृत्तसंस्थाच्या माहितीनुसार, मुंबईमधील वरळी येथे राहणारा विद्यार्थ्यांची ही पोलिस भरतीसाठीची ही शेवटची संधी होती. त्याने युट्युबवरून कॉपी करण्याची ही कला अवगत केली होती. ऑनलाईन पद्धतीने ब्लूटूथ पेन आणि मायक्रो इअरफोन मागवला होता.परीक्षेला पेपर सोडवत असताना त्याचा एक साथीदार  त्याच्यासोबत संभाषण करत होता. परीक्षा देत असताना त्या विद्यार्थ्यांच्या हालचाली संशयास्पद वाटू लागल्याने त्याची तपासणी केली असता तो मायक्रो इयरफोनच्या मदतीने कॉपी करत असल्याचे आढळून आले होते. 

अटक करण्यात आलेल्या विद्यार्थ्याविरोधात विद्यापीठ कॉपी प्रतिबंधक कायदा सात आणि आठनुसार विरोधात गुन्हा दाखल करण्यात आला आहे. या विद्यार्थ्यांची वरळी येथून संवाद साधणाऱ्या त्याच्या मित्राचा देखील कस्तुरबा मार्ग पोलिस शोध घेत आहेत. दरम्यान, पोलिस भरती परीक्षेत कॉपी करताना पोलिसांनी 5 जणांना ताब्यात घेतले.