मुंबई| नगर सहयाद्री- अभिनेत्री प्रियांका चोप्रा सध्या खूप बिझी आहे. नुकतीच तिची सिटाडेल ही मालिका प्रदर्शित झाली आहे. आता तिचा लव्ह अगेन हा ...
मुंबई| नगर सहयाद्री-
अभिनेत्री प्रियांका चोप्रा सध्या खूप बिझी आहे. नुकतीच तिची सिटाडेल ही मालिका प्रदर्शित झाली आहे. आता तिचा लव्ह अगेन हा चित्रपट प्रदर्शित होणार आहे. हॉलिवूड चित्रपट लव्ह अगेनचा प्रीमियर न्यूयॉर्कमध्ये झाला. जिथे प्रियांका चोप्रा पती निक जोनाससोबत पोहोचली होती. रेड कार्पेटवर प्रियांकाने तिचा सहकलाकार सॅम ह्यूघनला नाकावर किस केले. तिचा हा व्हिडिओ सोशल मीडियावर व्हायरल होत आहे.
लव्ह अगेनच्या प्रीमियरवेळी प्रियांकाने ब्लश ब्लू गाऊनसह हाय हील्स घातल्या होत्या. सरळ केस आणि ऑफ शोल्डर गाऊन तिच्या सौंदर्यात भर घालत आहे. प्रियांकाला रेड कार्पेटवर पाहताच हॉलिवूड स्टार सॅम ह्यूघनने समोर येऊन तिला किस केले. चुंबन घेताना प्रियांकाने पाऊट केले पण सॅमने तिच्या मानेवर चुंबन दिले. या दोघांची केमिस्ट्री चाहत्यांना खूप आवडते. एका फोटोमध्ये सॅम प्रियांकाच्या नाकाचे चुंबन घेताना दिसत आहे. लव्ह अगेन चित्रपटात निकची छोटी भूमिका आहे. याबद्दल बोलताना प्रियांका म्हणाली की, मी निकला विचारले की तू ही भूमिका करू शकतोस का? निकने यासाठी होकार दिला.
लव्ह अगेन’मध्ये प्रियांका चोप्रा जोनास एका महिलेची भूमिका साकारत आहे जिला तिच्या पतीच्या मृत्यूनंतर तिचा नंबर कोणीतरी म्हणजे सॅम ह्यूघन वापरत आहे हे कळत नाही. हा एक रोमँटिक ड्रामा चित्रपट आहे. सिटाडेलच्या प्रमोशननंतर आता प्रियांका तिच्या आगामी चित्रपटाच्या प्रमोशनमध्ये व्यस्त आहे. अलीकडेच प्रियांकाने पती निकसोबत मेट गाला २०२३ च्या रेड कार्पेटवर दिसली होती.
COMMENTS