मुंबई, नगर सह्याद्री - पत्नीने पतीवर हल्ला केल्याची धक्कादायक घटना पुण्यात घडली आहे. घरखर्चासाठी पैसे न दिल्याने पत्नीने पतीवर चाकूने वार क...
मुंबई, नगर सह्याद्री -
पत्नीने पतीवर हल्ला केल्याची धक्कादायक घटना पुण्यात घडली आहे. घरखर्चासाठी पैसे न दिल्याने पत्नीने पतीवर चाकूने वार केले आहे. कोंढवा परिसरात शिवनेरीनगर येथे ही घटना घडली आहे. या प्रकरणी पोलिसांनी पत्नीविरुद्ध गुन्हा दाखल केला असून पतीवर खासगी रुग्णालयात उपचार सुरू आहे.
इम्रान खान (वय 46 वर्ष)असे जखमी झालेल्या पतीचे नाव आहे. या प्रकरणी इम्रानची पत्नी नाझनीनविरुद्ध गुन्हा दाखल करण्यात आला आहे. इम्रानचे वडील उस्मान यांनी या संदर्भात कोंढवा पोलीस ठाण्यात फिर्याद दिली आहे.
रमजान महिना सुरू असल्याने नाझनीनने इम्रानला घरखर्चास पैसे मागितले होते. इम्रानने पैसे देण्यास नकार दिल्याने नाझनीन आणि इम्रान यांच्यात वाद झाला आहे. रागाच्या भरात नाझनीने स्वयंपाकघरातील चाकुने इम्रानवर वार केले आहे. जखमी इम्रानवर खासगी रुग्णालयात उपचार सुरू असल्याची माहिती पोलिसांनी दिली. अधिक तपास कोंढवा पोलीस करत आहे.
COMMENTS