...बेपत्ता इंजिनीयरची सापडली बॉडी; घात की घातपात?

भंडारा। नगर सहयाद्री - फेब्रुवारी महिन्या पासून बेपत्ता असलेल्या अभियंत्याचा कुजलेल्या अवस्थेत पाटामध्ये मृतदेह आढळल्याची घटना घडली आहे. मृत...

भंडारा। नगर सहयाद्री -

फेब्रुवारी महिन्या पासून बेपत्ता असलेल्या अभियंत्याचा कुजलेल्या अवस्थेत पाटामध्ये मृतदेह आढळल्याची घटना घडली आहे. मृताच्या खिशात मिळालेल्या आधार कार्डवरून त्याची ओळख पटली. योगेश लोखंडे असे तरुणाचे नाव आहे. त्याचा मृत्यू घातपात होता की अपघात याचा शोध पोलीस घेत आहेत. या घटनेने परिसरात एकच खळबळ उडाली आहे. 

वृत्तसंस्थाच्या माहितीनुसार,  योगेश लोखंडे नामक तरुण फेब्रुवारी महिन्यापासून बेपत्ता होता. काही कामानिमित्त तो घरातून निघाला. पण त्यानंतर तो घरी परतलाच नाही. नातेवाईकांनी शोध घेऊनही त्याचा थांगपत्ता लागला नव्हता. तो बेपत्ता असल्याची तक्रार पवनी पोलिसात नोंदवण्यात आली. परंतु तक्रार नोंदवूनसुद्धा त्याचा पत्ता लागला नाही.

पोलिसांना इटगाव येथील पाटामध्ये एका व्यक्तीचा मृतदेह सापडल्याची माहिती मिळाली. पोलिसांनी घटनास्थळी दाखल होत पंचनामा करताना मृताच्या खिशामध्ये असलेल्या पाकिटात आधार कार्ड मिळाले. त्यावरील पत्ता आणि छायाचित्रावरून माहिती काढली असता मृत व्यक्ती योगेश लोखंडे असल्याचे तपासात पुढे आले. 

गावातील अभियंत्याचे मृतदेह अशा अवस्थेत आढळल्याने गावात आणि शेतकऱ्यांमध्ये खळबळ उडाली. पोलिसांनी मृतदेह ताब्यात घेऊन उत्तरीय तपासणीसाठी वैद्यकीय महाविद्यालय नागपूर येथे पाठवला. योगेश हा पेशाने अभियंता होता. या व्यवसायात अनेक अडचणी येत असल्याचे त्याने घरच्यांना सांगितले होते. योगेशचा मृत्यू हा अपघात आहे की घातपात याचा छडा लावण्याचे आव्हान पोलिसांसमोर आहे.