दोन गटाच्या राड्यात पाेलिसही जखमी; गुन्हा दाखल

नंदुरबार। नगर सहयाद्री- अहमदनगर पाठोपाठ नंदुरबार शहरातही दोन गटात तुफान राडा झाल्याची बातमी समोर अली आहे. महाराष्ट्र व्यायाम शाळा परिसरात दो...

नंदुरबार। नगर सहयाद्री-

अहमदनगर पाठोपाठ नंदुरबार शहरातही दोन गटात तुफान राडा झाल्याची बातमी समोर अली आहे. महाराष्ट्र व्यायाम शाळा परिसरात दोन गटात तूफान दगडफेक झाली.वाहनांची जाळपोळ करण्यात आली आहे. या घटनेत दोन पोलीस कर्मचारी जखमी झाले. दरम्यान या घटनेनंतर पाेलिसांनी २५ जणांवर गुन्हा दाखल केला आहे.   

पाेलिसांनी दिलेल्या माहितीनूसार ही घटना रात्रीच्या सुमारास घडली. त्यानंतर पाेलीस अधीक्षक पी आर पाटील, अप्पर पोलीस अधीक्षक निलेश तांबे यांनी घटनास्थळाची पाहणी केली. त्यानंतर रात्री उशिरापर्यंत पोलिसांनी संशयितांची धरपकड करण्यास प्रारंभ केला. पाेलिसांनी अनेक संशयितांना ताब्यात घेतले आहे. 

याप्रसंगी उपविभागीय पोलीस अधिकारी सचिन हिरे, स्थानिक गुन्हे अन्वेषण शाखेचे पोलीस निरीक्षक किरण कुमार खेडकर, शहर पोलीस निरीक्षक रवींद्र कळमकर यांच्यासह पोलिस अधिकारी व कर्मचारी यांनी घटनास्थळी कडेकाेट पाेलिस बंदोबस्त ठेवला आहे.संशयितांवर आरोपींवर कलम ३०७, ३०८, ३५३,३३३,३३२,१४३,१४७,१४८,१४९, ४२७, प्रमाणे गुन्हा दाखल करण्यात आलेला आहे. 

नंदुरबार शहरात झालेल्या मारामारीनंतर अनेक संशयितांना अटक करण्यात आली असुन काही संशयितांचा शाेध सुरु आहे. सण उत्सव लक्षात घेता कुठलाही अनुचित प्रकार घडू नये यासाठी शहरात मोठा पोलीसांचा बंदोबस्त लावण्यात आलेला आहे. सायबर सेलकडून सोशल मीडियावर देखील वाॅच ठेवले जाणार असल्याची माहिती एसपींनी दिली.