“त्यांनी मला बेशुद्ध होईपर्यंत मारलं..”; उर्फी जावेद म्हणाली...

मुंबई। नगर सहयाद्री- टीव्ही अभिनेत्री आणि इंटरनेट सेन्सेशन उर्फी जावेद तिच्या स्पष्टवक्ते विधानांमुळे आणि तिच्या ड्रेसिंग सेन्समुळे चर्चेत अ...

मुंबई। नगर सहयाद्री-

टीव्ही अभिनेत्री आणि इंटरनेट सेन्सेशन उर्फी जावेद तिच्या स्पष्टवक्ते विधानांमुळे आणि तिच्या ड्रेसिंग सेन्समुळे चर्चेत असते. तिच्या कपड्यांमुळे तिला अनेकदा ट्रोल देखील केले जाते, परंतु उर्फीला याने फारसा फरक पडत नाही. उर्फी जावेदने पुन्हा एकदा त्याच्या बालपणीचा धक्कादायक खुलासा केला आहे. यासोबत उर्फीने स्वतःशी संबंधित एक प्रसंग  एका मुलाखतीत सांगितला आहे. 

उर्फी म्हणाली, ‘मी माझ्या फेसबुक प्रोफाइलवर ट्यूब टॉप घातलेला माझा फोटो टाकला होता. कोणीतरी तेथून हा फोटो डाउनलोड करून एडिट न करता पॉर्न साइटवर टाकला. काही वेळाने मला याची माहिती मिळाली. उर्फीने सांगितले की, तेव्हा मी काहीच करू शकत नव्हते, पण हळूहळू माझ्या घरच्यांना याची माहिती मिळाली. 

उर्फी म्हणाली, माझ्या वडिलांनी स्वतः फोन करून आमच्या सर्व नातेवाईकांना याची माहिती दिली. कोणीही माझ्यावर विश्वास ठेवत नव्हते, प्रत्येकजण माझ्यावर आरोप करत होता, माझे वडील मला सतत मारहाण करत होते. उर्फी म्हणाली, दोन वर्षे मी हे सर्व सहन केले. नातेवाईक आणि वडिलांचे शब्द असह्य झाले, त्यानंतर वयाच्या १७ व्या वर्षी मी घरातून पळून गेले.उर्फीने सांगितले की तिचे वडील तिला शिवीगाळ करायचे आणि बेशुद्ध होईपर्यंत मारहाण करायचे.