मढमधील अनधिकृत स्टुडिओ पाडण्यास अखेर सुरूवात

ठाकरे सरकारचे भ्रष्टाचाराचे स्मारक उध्वस्त ः किरीट सोमय्या मुंबई | वृत्तसंस्था  अखेर न्यायालयाच्या आदेशानुसार शुक्रवारी मढमधील अनधिकृत स्टुड...

ठाकरे सरकारचे भ्रष्टाचाराचे स्मारक उध्वस्त ः किरीट सोमय्या

मुंबई | वृत्तसंस्था 

अखेर न्यायालयाच्या आदेशानुसार शुक्रवारी मढमधील अनधिकृत स्टुडिओची पाडापडी सुरू झाली. सकाळी अकराच्या सुमारास भाजप नेते किरीट सोमय्या यांनी भेट दिली. ठाकरे सरकारच्या भ्रष्टाचाराचे स्मारक आज उद्धवस्त झाले, अशी घणाघाती टीका त्यांनी यावेळी केली.

माजी मंत्री आदित्य ठाकरे आणि अस्लम शेख यांच्या आशीर्वादाने या अनधिकृत स्टुडिओची उभारणी झाली होती. या बांधकामावर कारवाई करावी म्हणून आम्हाला दोन वर्षे संघर्ष करावा लागल्याचेही सोमय्या म्हणाले. मढ येथील पाडापाडी सुरू असलेल्या स्टुडिओमध्ये रामसेतून, आदिपुरुष सारख्या चित्रपटांचे शुटींग झाले आहे. किरीट सोमय्या यांनी मालाड, मढ येथील ४९ बेकायदेशीर स्टुडिओ आणि २२ बेकायदेशीर बंगले पाडण्याची मागणी महापालिकेकडे केली होती. मात्र, त्यावर कारवाई झाली नाही. तत्कालीन सरकार, मंत्री आणि पालकमंत्र्यांनी या प्रकरणी कानाडोळा केल्याचा आरोप सोमय्यांचा होता. स्टुडिओ, बंगले उभारताना महापालिका, सरकारी प्राधिकरणाची परवानगी घेतली नाही. सीआरझेडचेही उल्लंघन केल्याचा आरोप आहे.

सोमय्या म्हणाले, आदित्य ठाकरे आणि अस्मम शेख यांनी २०२१ मध्ये हे भ्रष्टाचाराचे स्मारक बांधले. टेम्पररी स्टुडिओ म्हणून शंभर फूट उंचीचे बांधकाम केले. मंत्री अस्लम शेख आणि मंत्री आदित्य ठाकरे यांच्या आशीर्वादाने डझनभर स्टुडिओ बांधण्यात आले. पाच लाख स्क्वेअर फूट बांधकाम फेब्रुवारी २०२१ मध्ये केले. त्याला ठाकरे सरकारने मान्यता दिली. या स्टुडिओवर कारवाई करायला दोन वर्षे आम्हाला संघर्ष करावा लागला. एक हजार कोटींचे स्टुडिओ तोडायला सुरुवात झाली आहे.