भरदुपारी रस्त्यावर सव्वा लाख लुटले; असा घडला प्रकार

अहमदनगर | नगर सह्याद्री  व्यवसायातून जमा झालेले एक लाख ३५ हजार रूपये व एक लॅपटॉप असा एक लाख ४७ हजार रूपयांचा ऐवज असलेली बॅग दोन चोरट्यांनी प...

अहमदनगर | नगर सह्याद्री 

व्यवसायातून जमा झालेले एक लाख ३५ हजार रूपये व एक लॅपटॉप असा एक लाख ४७ हजार रूपयांचा ऐवज असलेली बॅग दोन चोरट्यांनी पळवून नेली. पाईपलाइन रोडवर मंगळवारी दुपारी दोन वाजता ही घटना घडली.

या प्रकरणी कृष्णकांत शंकर मडूर (वय ४४ रा. तोफखाना) यांनी तोफखाना पोलीस ठाण्यात दिलेल्या फिर्यादीवरून जबरी चोरीचा गुन्हा दाखल करण्यात आला आहे. फिर्यादी हिंदुस्तान युनी लिव्हर कंपनीमध्ये मार्केटिंगचे काम करतात. कंपनीच्या माल विक्रीतून आलेले पैसे बॅगमध्ये घेऊन ते कंपनीच्या एमआयडीसी येथील कार्यालयात जमा करण्यासाठी जात असता. 

मंगळवारी दुपारी ते दुचाकीवरून पाईपलाइन रोडने जात असताना आयोध्यानगर, दत्त मंदिराजवळ स्पीड ब्रेकरमुळे त्यांनी दुचाकीचा स्पीड कमी केला. त्याच वेळी दुचाकीवरून आलेल्या दोघांनी फिर्यादीला आमचा अपघात करतो का?, असे म्हणून शिवीगाळ केली. एकाने त्याच्याकडील चाकूने फिर्यादीच्या पाठीवर असलेल्या बॅगचा बंद कापून बॅग लंपास केली. त्यामध्ये एक लाख ३५ हजार रूपयांची रोकड व एक लॅपटॉप होता. पोलिसांनी गुन्ह्याची नोंद केली असून अधिक तपास सहायक पोलीस निरीक्षक नितीन रणदिवे करीत आहेत.