पारनेर रोडवर मोटारसायकलच्या धडकेत शिक्षकाचा मृत्यू

सुपा | नगर सह्याद्री  पारनेर म्हसणे फाटा रोडवर वडनेर हवेली जवळ मोटार सायकल स्वराने पायी चाललेल्या निवृत्त शिक्षकास जोराची धडक दिल्याने शिक्ष...

सुपा | नगर सह्याद्री 

पारनेर म्हसणे फाटा रोडवर वडनेर हवेली जवळ मोटार सायकल स्वराने पायी चाललेल्या निवृत्त शिक्षकास जोराची धडक दिल्याने शिक्षकाचा जागीच मृत्यू झाला. 

याबाबत पोलिस सुत्रांकडून मिळालेले माहिती अशी कि, वडनेर हवेली येथील निवृत्त शिक्षक हरिभाऊ बढे वय अंदाजे ६०-६५ वर्षे हे रविवार दि.२३ एप्रिल रोजी   सायंकाळी पारनेर म्हसणे फाटा रस्त्याने वडनेर हवेली गावाच्या शिवारात पायी चालले आसताना पारनेर कडून  म्हसणे फाटा औद्योगिक वसाहतीकडे जात असलेले परप्रांतीय कामगारांनी त्यांच्या जवळील मोटार सायकल क्रमांक एम एच-१६ सी एच-०७८४  या गाडीची बढे यांना पाठीमागून जोराची धडक दिली. 

धडक खुप जोराची आसल्याने बढे लांब जाऊन पडले. व जबर जखमी होऊन त्यांचे जागेवरच निधन झाले. व मोटार सायकल चालकही लांब जाऊन पडले. यात मोटार सायकल वरील दोघांपैकी एक जखमी झाला असुन त्यास रुग्णालयात दाखल करण्यात आले आहे. एक मात्र तेथुन पसार झाला आहे अशी प्राथमिक माहिती पोलिसांनी दिली. 

घटनेची माहिती कळताच सुपा पोलिस स्टेशनच्या पोलिस निरिक्षक ज्योती गडकरी यांच्या मार्गदर्शनाखाली सुपा पोलिस व रुग्णवाहिका चालक सादिकभाई तात्काळ घटनास्थळी दाखल झाले. सुपा पोलिसांनी घटनेची सविस्तर माहिती घेतली असुन या घटनेतील  मोटार सायकल स्वरांचा पोलिस शोध घेत आहेत.