सातारा। नगर सहयाद्री - साताऱ्यातमधून एक धक्कादायक प्रकार समोर आला आहे. पतीने राहत्या घरासमोर रात्रीच्या वेळी लिंबु,टाचण्या, हळदी-कुंकू राख ट...
सातारा। नगर सहयाद्री -
साताऱ्यातमधून एक धक्कादायक प्रकार समोर आला आहे. पतीने राहत्या घरासमोर रात्रीच्या वेळी लिंबु,टाचण्या, हळदी-कुंकू राख टाकून जादूटोणा केल्याची तक्रार पत्नीने सातारा तालुका पोलिस ठाण्यात दिली आहे. सीसीटीव्हीमध्ये हा सारा जादूटोण्याचा प्रकार कैद झाला आहे. हे सारे पुरावे त्यांनी पोलिसांकडे दिले आहेत.
वृत्तसंस्थाच्या माहितीनुसार,विवाहिता उज्ज्वला पद्ममाकर जाधव (वय ३५, रा. कारंडवाडी, ता. सातारा) या कारंडवाडी येथे वास्तव्यास आहेत. त्यांचा पती सैन्य दलात कार्यरत असून, तो सध्या सुटीवर आला आहे. १ एप्रिल रोजी रात्री एक वाजता पती कारंडवाडीतील घरासमोर आला. हळदी-कुंकू भरून लिंबु,टाचण्या टोचून ठेवलेले नारळ,राख, सिंदूर, काळे तीळ व पपई हे साहित्य ठेवले. अशाच प्रकारे यापूर्वीही दोन वेळा हे साहित्य घरासमोर आणून ठेवले होते.
उज्ज्वला जाधव यांच्यावर जादूटोणा केल्याने त्यांना व त्यांच्या दोन्ही मुलांना मानसिक त्रास झाला. हा प्रकार वारंवार होऊ लागल्यानंतर त्यांनी सातारा तालुका पोलिस ठाण्यात धाव घेऊन तक्रार दाखल केली. पोलिसांनी सैन्यातील पतीसह सासू, सासऱ्यांवर महाराष्ट्र नरबळी व इतर अमानुष अनिष्ट अघोरी प्रथा व जादूटोणा प्रतिबंधात्मक कायद्यान्वये पती पद्ममाकर बळवंत जाधव, सासू कुसुम बळवंत जाधव, सासरे बळवंत विठोबा जाधव यांच्यावर गुन्हा दाखल केला आहे.
COMMENTS