मराठामाेळ्या रील स्टार सोनालीचा मॉर्फ व्हिडिओ व्हायरल

मुंबई। नगर सहयाद्री - रील स्टार सोनाली गुरवचा अश्लील व्हिडिओ व्हायरल  झाला आहे. सोनालीला मॉर्फ करून तिचा अश्लील व्हिडिओ सोशल मीडियावर व्हायर...

मुंबई। नगर सहयाद्री -

रील स्टार सोनाली गुरवचा अश्लील व्हिडिओ व्हायरल  झाला आहे. सोनालीला मॉर्फ करून तिचा अश्लील व्हिडिओ सोशल मीडियावर व्हायरल झाल्याचा धक्कादायक प्रकार उघडकीस आला आहे. याप्रकरणी सोनालीने  पोलीसठाण्यात तक्रार दाखल केली आहे. या संपूर्ण घटनेबाबत सोनालीने इन्स्टाग्रामवर पोस्ट करत माहिती दिली आहे.

वृत्तसंस्थाच्या माहितीनुसार, सोनाली पोस्टमध्ये म्हणाली...एखाद्या मुलीला ज्या गोष्टीचा नुसता विचारच असह्य होईल, नेमकी ती घटना माझ्या आयुष्यात घडली. काही मित्रांचा फोन आला कि एक अश्लील मॉर्फ विडीओ सध्या व्हायरल होतोय. पायाखालची जमीन सरकली. पटकन सगळं सोडून कुठेतरी निघुन जावसं वाटलं.कौतुकाने बघणाऱ्या नजरा हिणवू लागल्या. सगळं काही छान सुरु असताना एखाद वादळ येऊन सगळं उध्वस्त करून जातं. अगदी तसच वाटलं. आणि सगळ्यात जास्त वाईट तेव्हा वाटलं जेव्हा मला अश्लील मेसेज, इमेल्स आणि कमेंट्स येऊ लागल्या. लोकांना चर्चेला, मजा मारायला नवीन विषय मिळाला.

काही दिवस घाबरत कसेबसे दिवस ढकलू लागले पण नंतर घरच्यांनी आणि मित्र-मैत्रिणीनी मानसिक बळ दिलं. आणि मी पोलीस स्टेशन गाठलं. कोर्टाची आणि पोलीस स्टेशनची पायरी कधीच चढू नये असं मला नेहमी वाटत. पण त्याउलट पोलिसात गेल्या गेल्या पोलिसांनी मला सहकार्य केलं आणि लगेच हालचाली सुरु झाल्या. पोलीस झपाट्याने हे कृत्य करणाऱ्याना आणि ते पसरवायला मदत करणाऱ्या लोकांवर कारवाई करत आहेत.

मला पोलीस आणि आपल्या न्यायव्यवस्थेवर विश्वास आहे. फक्त खंत हीच आहे. कि आपला समाज एवढा विकृत कसा काय झाला? कुठून येते हि विकृती. १६-१७ वयाची लहान लहान पोरं देखील अश्लील केमेंट मेसेज करतात तेव्हा चीड येते. स्वतःच्याच समाजात वावरण्याची भीती वाटते. आता ठरवलं आहे मी जशी ही घटना झाल्यानंतरही माझ्या चाहत्यांचं, हितचिंतकांचं मनोरंजन करणं थांबवलं नाही त्यापेक्षा दुपटीने मेहनत करून तुमचं मनोरंजन करायचा प्रयत्न करत राहीन.