मुंबई। नगर सहयाद्री मुंबई शहरात रात्रीच्या वेळी अद्यापही छुपा अवैध धंदा चालत असल्याचे समोर येत आहे. नवी मुंबई मधील कोपर खैरणेतील मेट्रो या ...
मुंबई। नगर सहयाद्री
मुंबई शहरात रात्रीच्या वेळी अद्यापही छुपा अवैध धंदा चालत असल्याचे समोर येत आहे. नवी मुंबई मधील कोपर खैरणेतील मेट्रो या डान्सबारवर पोलिसांनी शुक्रवारी मध्यरात्री छापा टाकून कारवाई केली. शहरात काही ठिकाणी डान्सबार चालत असल्याची माहिती समोर येताच ही कारवाई करण्यात आली आहे. याप्रकरणी बारबाला व ग्राहक यांच्यावर गुन्हा दाखल करण्यात आला आहे.
वृत्तसंस्थाच्या माहितीनुसार,ठिकठिकाणी डान्सबार, हुक्का पार्लर तसेच मसाज पार्लरच्या नावाखाली देहविक्री चालत आहे. कोपर खैरणे येथील मेट्रो बारमध्ये डान्सबार चालवला जात असल्याची माहिती समोर आली होती. याबाबत कोपर खैरणे पोलिसांना माहिती मिळताच शुक्रवारी मध्यरात्री १२ च्या सुमारास त्याठिकाणी छापा टाकण्यात आला.
यावेळी तिथल्या बारबाला ग्राहकांसोबत अश्लील नृत्य करताना आढळून आल्या.याप्रकरणी त्यांच्यावर पोलिस ठाण्यात गुन्हा दाखल करण्यात आला आहे. यापूर्वी देखील सानपाडा,नेरुळ व इतर ठिकाणी पहाटेपर्यंत चालणाऱ्या हुक्का पार्लरवर पोलिसांनी कारवाया केल्या आहेत. अशा कारवायांमधून शहरात रात्रीच्या वेळी अद्यापही छुपा अवैध धंदा चालत असल्याचे समोर येत आहे.
COMMENTS