पुण्यात तरुणाचा विहिरीत पडून मृत्यू पुणे नगर सहयाद्री - पुणे जिल्ह्यातील शिरुर तालुक्यातील धक्कादायक घटना समोर अली आहे. निमोणे येथील निलायम...
पुण्यात तरुणाचा विहिरीत पडून मृत्यू
पुणे नगर सहयाद्री -
पुणे जिल्ह्यातील शिरुर तालुक्यातील धक्कादायक घटना समोर अली आहे. निमोणे येथील निलायम हॉटेलच्या पाठीमागे असणाऱ्या विहिरीत एका तरुणाचा मृतदेह विहिरीत तरंगताना आढळल्याची घटना घडली आहे. सुनील शिवाजी थोरात (वय २८ वर्ष, रा. गुणाट, ता. शिरुर) असे मृत्यू झालेल्या तरुणाचे नाव आहे. याबाबत मृताचा भाऊ बाप्पू शिवाजी थोरात यांनी शिरुर पोलिस स्टेशन येथे फिर्याद दिली आहे.
वृत्तसंस्थाच्या माहितीनुसार,सुनील हा गेल्या सहा महिन्यापासून श्रीगोंदा तालुक्यातील सुरोडी येथे त्याच्या मावस भावाकडे रहात होता. मात्र तो कामानिमित्त शिरूर तालुक्यातील गुणाट येथे घेला होता. एका व्यक्तीने सुनीलचा भाऊ बापू थोरात यांना दुसऱ्या दिवशी बारा वाजताच्या सुमारास फोन करून सांगितले की, तुझा लहान भाऊ सुनील याचा मृतदेह निमोणे येथील निलायम हॉटेलच्या पाठीमागे असणाऱ्या विहिरीत तरंगताना दिसत आहे. त्यावर सुनील यांच्या भावाने तातडीने विहिरीत जाऊन पाहिले तर तो मृतदेह सुनील याचाच असल्याची त्यांना खात्री पटली.
घटनेबाबत शिरूर पोलिसात फिर्याद दाखल केली आहे. पोलिसांकडून या प्रकरणाचा सखोल तपास केला जात आहे.विहिरीत मृतदेह सापडल्याने हा नक्की घातपात आहे, अपघात आहे की आत्महत्या अशी शंका आता उपस्थित केली जाऊ लागली आहे. मात्र या घटनेने परिसरात एकच खळबळ उडाली आहे
COMMENTS