डोंगरावर गेलेले दोन जण खाली उतरलेच नाही; पर्यटकासोबत घडलं भयानक...

चंद्रपूर। नगर सहयाद्री - नागभीड तालुक्यातीलसात सात बहिणींचा डोंगर आहे. हे एक पर्यटन स्थळ असल्याने पर्यटक येथे भेट देतात. काल सुटीचा दिवस असल...

चंद्रपूर। नगर सहयाद्री -

नागभीड तालुक्यातीलसात सात बहिणींचा डोंगर आहे. हे एक पर्यटन स्थळ असल्याने पर्यटक येथे भेट देतात. काल सुटीचा दिवस असल्याने नागपुरातील दोन कुटुंबीय या जंगलात फिरायला गेले होते. जंगलात जात असताना या भागात मधमाशांचे मोठ्या प्रमाणात पोळे आहेत. मधमाश्यांच्या हल्ल्यात २ जणांचा मृत्यू तर ४ जण जखमी झाले आहे. नागपूर येथील अशोक मेंढे आणि गुलाबराव पोचे यांचा समावेश आहे. या दोघांचं वय अंदाजे ६० वर्षे आहे.

मिळालेल्या माहितीनुसार, नागभीड तालुक्यात सातबहिणीचा डोंगर येथे महादेवाचे मंदिर आहे. या डोंगरावर मोठ्या प्रमाणात मधमाश्यांचे पोळे आहेत. काल दुपारी देवदर्शनासाठी अनेक भाविक गेले होते. याचवेळी दुपारी अचानक मधमाश्यांनी जोरदार हल्ला केला. मात्र हा डोंगर अतिशय अवघड असल्याने दोन्ही वृद्ध घाईने खाली उतरू शकले नाहीत आणि त्यातच त्यांचा मृत्यू झाला. 

नागपूरची लोकसंख्या सुमारे ३० लाख आहे. आजूबाजूला बरीच पर्यटन स्थळं आहेत. पण, नवीन आणि वेगळ्या ठिकाणी जाण्याची पर्यटकांची इच्छा होतात. नागपुरातून सहा जण जंगलात पर्यटनासाठी गेले होते. मधमाशांच्या हल्ल्यात दोन जणांना जीव गमवावा लागला. इतर चार जण जखमी झालेत. रात्री ११ वाजता स्थानिक NGO च्या मदतीने मृतदेह खाली आणण्यात आले.