मुंबई | नगर सह्याद्री अभिनेत्री आलिया भट्ट कायम तिच्या खासगी आणि प्रोफेशन आयुष्यामुळे चाहत्यांमध्ये चर्चेत असते. एवढंच नाही तर, अभिनेत्री न...
मुंबई | नगर सह्याद्री
अभिनेत्री आलिया भट्ट कायम तिच्या खासगी आणि प्रोफेशन आयुष्यामुळे चाहत्यांमध्ये चर्चेत असते. एवढंच नाही तर, अभिनेत्री नुकताच झालेल्या मुलीमुळे देखील चर्चेत असते. आलियाने ६ नोव्हेंबर रोजी एका गोंडस मुलीला जन्म दिला. पण अद्याप आलिया आणि अभिनेता रणबीर कपूर यांनी लेकीचा चेहरा चाहत्यांना दाखवलेला नाही. पण दोघे कायम राहाबद्दल बोलताना दिसतात.
आता देखील आलियाने एक भावुक पोस्ट शेअर करत रात्रभर रडल्याचं म्हटलं आहे. सध्या आलियाची पोस्ट सोशल मीडियावर तुफान व्हायरल होत आहे. शनिवारी रात्री अभिनेत्री आई सोनी राजदान आणि बहीण शाहीन भट्ट यांच्यासोबत ती होती. शनिवारी रात्री तिघींनी मिळून अभिनेत्री राणी मुखर्जी स्टार मिसेस चॅटर्जी वर्सेस नॉर्वे’ पाहण्याचा निर्णय घेतला. सिनेमा तिघींना फार आवडला. सिनेमा पाहिल्यानंतर आलिया भावना व्यक्त करत म्हणाली, शनिवारी मी रात्रभर रडत होती. माझी आई आणि बहीण माझ्यासोबत होत्या.
आमच्या आवडत्या अभिनेत्रीला पाहिलं. मिसेस चॅटर्जी वर्सेस नॉर्वे’ सिनेमाच्या माध्यमातून महत्त्वाची कथा मोठ्या पडद्यावर आली. माझ्यासाठी सिनेमा फार महत्त्वाचा आहे.’ पुढे अभिनेत्री म्हणाली, मी नुकतीच आई झाली आहे. त्यामुळे माझ्यासाठी सिनेमा अत्यंत भावुक होता. राणी तुझ्यासारखं कोणी नाही. सिनेमाच्या माध्यामातून तू मला अशा स्थिती दाखवली, जी मी तुझ्यासोबत अनुभवत होती’ असं देखील अभिनेत्री म्हणाली. मिसेज चटर्जी वर्सेज नॉर्वे’ सिनेमा सागरिका चक्रवर्ती यांच्यावर आधारित आहे. नॉर्वे प्रशासनाच्या नियंत्रणातून आपल्या मुलांना मुक्त करण्यासाठी ती एकटीच संघर्ष करते.
COMMENTS