सतीश कौशिक मृत्यू प्रकरणी पोलिसांनी पाठवले सान्वीला नोटीस!

सतीश यांच्या मृत्यूला विकास मालूची पत्नी सान्वी हत्येचे नाव देत आहे. आज दिल्ली पोलीस या प्रकरणी सान्वी यांचे उत्तर नोंदवणार आहेत.

नवी दिल्ली / नगर सह्याद्री - 

बॉलिवूडचे ज्येष्ठ अभिनेते सतीश कौशिक यांनी आता या जगाचा निरोप घेतला आहे. सतीश कौशिक यांचा ९ मार्च रोजी मृत्यू झाला. सतीश कौशिक होळीच्या दिवशी कार्यक्रमासाठी दिल्लीत पोहोचले होते. याच दरम्यान हृदयविकाराच्या झटक्याने त्यांचा मृत्यू झाला. सतीश यांच्या मृत्यूला विकास मालूची पत्नी सान्वी  हत्येचे नाव देत आहे. आज दिल्ली पोलीस या प्रकरणी सान्वी यांचे उत्तर नोंदवणार आहेत.

१५ कोटींच्या वादातून पतीने सतीश यांची हत्या केल्याचा आरोप विकास मालूच्या पत्नीने केला आहे. मीडिया रिपोर्ट्सनुसार, दिल्ली पोलिसांनी विकासची पत्नी सान्वीला सकाळी ११ वाजता नोटीस पाठवून चौकशीसाठी बोलावले आहे. यावर सान्वीने पोलिसांसमोर एक अट ठेवली आहे की, जोपर्यंत तपास अधिकारी, इन्स्पेक्टर विजय यांना हटवत नाही तोपर्यंत आपण चौकशीसाठी येणार नाही.

सतीश यांच्या हत्येचा दावा करणाऱ्या विकास मालूच्या पत्नीने दिल्ली पोलिस आयुक्तांना एक तक्रार मेल पाठवला आहे, ज्यामध्ये तिने आरोप केला आहे की, अभिनेता सतीशच्या मृत्यूची चौकशी करण्यासाठी नेमलेल्या इन्स्पेक्टरने बलात्कार प्रकरणही वळविण्याचा प्रयत्न केला होता. त्यामुळेच सान्वी यांनी या प्रकरणातून इन्स्पेक्टर विजय यांना हटवण्याची मागणी केली आहे.

पोलिसांनी यापूर्वी फॉर्म हाऊसची झडती घेतली होती, ज्यामध्ये सतीश होळी पार्टीसाठी पोहोचले होते. तपासादरम्यान पोलिसांनी तेथून काही आक्षेपार्ह औषधे जप्त केली आहेत. याप्रकरणी पोलिसांनी आतापर्यंत अनेकांची चौकशी केली आहे. सतीश यांच्या पोस्टमॉर्टम रिपोर्टमध्ये मृत्यूचे कारण हृदयविकाराचा झटका असल्याचे सांगण्यात आले. आता सतीश यांचे आतडे पोलिसांनी तपासासाठी पाठवले आहे. आता हे प्रकरण कोणते नवे वळण घेणार हे पाहावे लागेल.