बापरे...मुलानी नाहीतर चक्क मुलीनेच केला रेप

मध्य प्रदेश । नगर सह्याद्री -  देशात दररोजच कुठे न कुठे तरी बलात्कारची  घटना घडते. या सर्वच प्रकरणांत पुरुषच मुख्य आरोपी असतो. पण मध्य प्रदे...

मध्य प्रदेश । नगर सह्याद्री - 

देशात दररोजच कुठे न कुठे तरी बलात्कारची  घटना घडते. या सर्वच प्रकरणांत पुरुषच मुख्य आरोपी असतो. पण मध्य प्रदेशाच्या इंदौर मध्ये एक वेगळीच घटना घडली आहे. त्यात एका मुलीला बलात्काराप्रकरणी दोषी ठरवण्यात आले आहे. विशेष म्हणजे न्यायालयाने या मुलीला बलात्काराप्रकरणी दोषी घोषित करत तब्बल 10 वर्षांची शिक्षा ठोठावली आहे. 'पॉस्को कायद्यांतर्गत पुरुषच नव्हे तर महिलाही दोषी ठरू शकते,' असे कोर्टाने म्हटले आहे.

इंदूरच्या बाणगंगा भागात राहणाऱ्या एका 19 वर्षीय मुलीवर एका मुलाला फूस लावून गुजरातला पळवून नेल्याचा आरोप करण्यात आला होता. ही मुलगी राजस्थानची होती. तिच्यावर एका 16 वर्षीय मुलाला गुजरातला पळवून नेल्याचा आरोप होता. तिथे या मुलीने मुलाला टाइल्सच्या कारखान्यात कामावर लावले. तसेच मुलाला स्वतःशी लैंगिक संबंध प्रस्थापित करण्यास भाग पाडले. तिने प्रदिर्घ काळापर्यंत या अल्पवयीन मुलाचे शारीरिक शोषण केले आहे.

बाणगंगा भागात राहणाऱ्या एका महिलेने 2018 साली पोलिसांत एक तक्रार दाखल केली होती. तिने म्हटले होते की, तिचा मुलगा दूध आणण्यासाठी गेला होता. त्यानंतर तो घरी परतला नाही. पोलिसांनी या प्रकरणाचा तपास सुरू केला असता मुलाचे लोकेशन गुजरातमध्ये आढळले. पोलिसांनी गुजरातमध्ये जाऊन मुलाचा शोध घेतला. तिथे त्याच्यासोबत 19 वर्षीय मुलगीही राहत असल्याचे त्यांना आढळले. मुलीने भाड्याने घर घेतले होते. त्यात ती मुलासोबत एकत्र राहू लागली.

पोलिसांनी मुलाची चौकशी केली असता त्यांनी संपूर्ण घटनाक्रम विषद केला. राजस्थानची मुलीने मला नोकरीचे आमिष दाखवून गुजरातला आणले. तिथे माझा फोन हिसकावून घेतला. ती मुला कुणाशी बोलूही देत नव्हती. माझ्याशी बळजबरीने शारीरिक संबंध प्रस्थापित करत होती. 

पोलिसांनी या प्रकरणी आरोपी तरुणीला अटक करून तिच्याविरोआधात पॉस्को कायद्यांतर्गत गुन्हा दाखल केला. त्यानंतर झालेल्या तपासात मुलाने केलेले सर्वच आरोप खरे सिद्ध झाले. मुलाचे प्रदिर्घ काळापर्यंत लैंगिक शोषण झाले होते. एखाद्या मुलीवर बलात्काराचा आरोप झाल्याचे हे बहुदा देशातील पहिलेच प्रकरण आहे. पॉस्को कायद्यांतर्गत न्यायालयाने आरोपी तरुणीला 10 वर्षांची शिक्षा व 3 हजार रुपयांच्या आर्थिक दंडाची शिक्षा ठोठावली गेली आहे.