पुणे / नगर सह्याद्री - पुण्यात आईनेच मुलीची भोसकून हत्या केल्याचा धक्कादायक प्रकार समोर आला आहे. हडपसर परिसरात घडलेल्या या घटनेने संपूर्ण श...
पुणे / नगर सह्याद्री -
पुण्यात आईनेच मुलीची भोसकून हत्या केल्याचा धक्कादायक प्रकार समोर आला आहे. हडपसर परिसरात घडलेल्या या घटनेने संपूर्ण शहर हादरले आहे. वैष्णवी महेश वाडेर असे ४ वर्षीय मृत मुलीचे नाव आहे. या प्रकरणी पोलिसांनी आरोपी आईला ताब्यात घेतले आहे.
हडपसर येथील सिद्धिविनायक दुर्वांकुर सोसायटीतील ससाणे नगर येथे सोमवारी रात्री सव्वा नऊ वाजण्याच्या सुमारास ही घटना घडली आहे. दरम्यान आईने मुलीची हत्या का केली हे अद्याप अस्पष्ट आहे. आरोपी आई कल्पी वाडेर ही तिच्या मुलीसोबत एकटीच राहत होती अशी माहिती आहे.
मिळालेल्या माहितीनुसार, तिन आठवड्यापूर्वीच हे कुटुंबीय हडपसर येथे राहण्यास आले होते. आरोपी महिला बेकरीच्या वस्तू विकण्याचा व्यवसाय करत होती. सोमवारी ती भाड्याचे घर खाली करणार होती. त्यामुळे घरमालक तिथे गेले आहे. परंतु तिने दरवाजा आतून बंद करून घेतला होता.
यानंतर शेजारच्यांनी तिला दरवाजा उघडण्यास सांगितले आणि घरमालकाने आत जाऊन पाहिले तेव्हा तिथे मुलीचा मृतदेह आढळून आला. यानंतर त्यांनी तत्काळ याची माहिती पोलीसांना दिली आहे. माहिती मिळताच पोलिसांनी घटनास्थळी धाव घेतली आणि आरोपी महिलेला ताब्यात घेतले आहे. पोलिस या हत्येमागील कारणाचा शोध घेत आहे.
COMMENTS