ज्ञानेश्वरच्या ४९ व्या गळीत हंगामाची सांगता

इथेनॉल प्रकल्प विस्तारीकरण वेळेत पूर्ण करणार : घुले   भेंडा | नगर सह्याद्री  केंद्र सरकारच्या ध्येय धोरणानुसार हाती घेण्यात आलेल्या डिस्टिलर...

इथेनॉल प्रकल्प विस्तारीकरण वेळेत पूर्ण करणार : घुले 

 भेंडा | नगर सह्याद्री 

केंद्र सरकारच्या ध्येय धोरणानुसार हाती घेण्यात आलेल्या डिस्टिलरी व इथेनॉल प्रकल्प विस्तारीकरणाचे काम वेळेत पूर्ण करून पुढील गळीत हंगामात प्रकल्प कार्यान्वीत करणार असल्याची माहिती लोकनेते मारुतराव घुले पाटील ज्ञानेश्वर सहकारी साखर कारखान्याचे अध्यक्ष माजी आमदार नरेंद्र घुले पाटील यांनी दिली.

भेंडा येथील लोकनेते मारुतराव घुले पाटील ज्ञानेश्वर सहकारी साखर कारखान्याच्या ४९ व्या गळीत हंगामाची सांगता कारखान्याचे अध्यक्ष माजी आमदार नरेंद्र घुले पाटील यांचे हस्ते शेवटची ऊस मोळी टाकून झाली. कारखान्याचे संचालक माजी आमदार चंद्रशेखर घुले पाटील, कारखान्याचे उपाध्यक्ष माजी आमदार पांडुरंग अभंग, जेष्ठ संचालक अ‍ॅड.देसाई देशमुख, काकासाहेब नरवडे, काकासाहेब शिंदे, पंडितराव भोसले, प्रा.नारायण म्हस्के, शिवाजी कोलते, मच्छिद्र म्हस्के, काशीनाथ नवले, अशोकराव मिसाळ, दादासाहेब गंडाळ, तुकाराम मिसाळ, जनार्दन कदम, विष्णू जगदाळे, संतोष पावशे, दीपक नन्नवरे, पंचायत समितीचे माजी सदस्य अजित मुरकुटे , कार्यकारी संचालक अनिल शेवाळे, सचिव रवींद्र मोटे व्यासपीठावर उपस्थित होते. प्रारंभी कारखान्याचे संचालक मच्छिंद्र म्हस्के व मनीषा म्हस्के या उभयंतांच्या हस्ते गव्हाणीची विधिवत पूजा करण्यात आली.घुले पुढे म्हणाले की, ऊस उत्पादक शेतकरी, ऊस-वाहतूक तोडणी मजूर, कारखान्याचे अधिकारी, कामगार या सर्वांच्या सहकार्याने हा ४९ वा गळीत हंगाम यशस्वीरित्या पार पडला. आगामी ५० वा हंगाम सुरू करण्यासाठी करावी लागणारी तयारी आजपासूनच सुरू करायची आहे,त्यासाठी सर्वांनी एक जीनसीपणे काम करावे. यावेळी उसतोड़णी मुकादम, ठेकेदार, खाते प्रमुख यांचा सत्कार करण्यात आला. या हंगाम सांगता कार्यक्रमास मोहनराव गायकवाड, अंबादास कळमकर, दिलीपराव मोटे, रावसाहेब साळुंके,भाऊसाहेब चौधरी,भानुदास कावरे, भीमराज शेंडे, गोरक्षनाथ बर्गे, आबासाहेब ताकटे, दत्तात्रय विधाटे,कचरदास गुंदेचा,गणेश गव्हाणे, काकासाहेब काळे, नामदेव बोरुडे, कुमार नवले,  संभाजी पवार, बाळासाहेब नवले,वैभव नवले, बाळासाहेब साळुंके, भाऊसाहेब सावंत,प्राचार्य रामकिसन सासवडे,प्राचार्य भारत वाबळे, कारखान्याचे कामगार संचालक सुखदेव फुलारी, संभाजीराव माळवदे, मुख्य शेतकी अधिकारी सुरेश आहेर,तांत्रिक सल्लागार एस.डी. चौधरी, एम. एस. मुरकुटे,महेंद्र पवार,चिफ इंजिनिअर राहुल पाटील,बप्पासाहेब बामदळे,शिवाजी वाबळे आदी उपस्थित होते.दादासाहेब गंडाळ यांनी आभार मानले.