सारा अली खानबरोबर शूटींग केल्यावर चित्रांगदाने थेट सैफला केला मेसेज; म्हणाली..

मुंबई -  ‘गॅसलाइट’ चित्रपटात  सारा अली खानबरोबर शूटींग केल्यावर चित्रांगदाने थेट सैफला अली खानला मेसेज केला आहे. चित्रांगदा सिंग सारा अली खा...

मुंबई - 

‘गॅसलाइट’ चित्रपटात  सारा अली खानबरोबर शूटींग केल्यावर चित्रांगदाने थेट सैफला अली खानला मेसेज केला आहे. चित्रांगदा सिंग सारा अली खानच्या सावत्र आईच्या भूमिकेत दिसत आहे. या चित्रपटावर काम करत असताना चित्रांगदा सिंगने सैफ अली खानला एसएमएस करून साराबद्दल काही गोष्टी सांगितल्या. चित्रांगदाने सैफला पाठवलेल्या मेसेजमध्ये काय लिहिले होते ते सांगितले.

चित्रांगदाने सांगितले की, तिने सैफ अली खानला तिची मुलगी किती आश्चर्यकारक आहे हे सांगण्यासाठी मेसेज केला. सारासोबत काम करताना खूप आनंद होत असल्याचंही तिने सांगितलं. चित्रांगदाने सैफला पाठवलेल्या मेसेजमध्ये लिहिले होते. सारा खूप गोड आहे आणि तिच्यामध्ये अप्रतिम ऊर्जा देखील आहे.

चित्रांगदा आणि सारा पहिल्यांदाच एकत्र काम करत आहेत. याआधी चित्रांगदा २०१८ साली प्रदर्शित झालेल्या ‘बाजार’ चित्रपटात सैफ अली खानबरोबर दिसली होती.

चित्रांगदाने २००५ मध्ये सुधीर मिश्रा यांच्या ‘हजारों ख्वैशीं ऐसी’मधून बॉलिवूडमध्ये पदार्पण केले. या चित्रपटातून तिने केके मेनन आणि शायनी आहुजासोबत अभिनय क्षेत्रात पदार्पण केले. चित्रांगदा अखेरची अभिषेक बच्चनसोबत ‘बॉब बिस्वास’मध्ये दिसली होती.