अजय देवगणने ऑस्कर विजेतेपदावर 'नाचो-नाचो' या गाण्यावर आपले वक्तव्य बोलून सर्वांना आश्चर्यचकित केले आहे.
मुंबई / नगर सह्यद्री -
एस एस राजामौली दिग्दर्शित 'आरआरआर ' या चित्रपटाने 'नाचो-नाचो' या गाण्यासाठी ऑस्कर २०२३ चा सन्मान जिंकून भारतीय चित्रपटांच्या यशाचा दणका जगभरात फडकावला आहे. यामध्ये चित्रपटामध्ये अजय देवगणही दिसला होता. अजय देवगणने ऑस्कर विजेतेपदावर 'नाचो-नाचो' या गाण्यावर आपले वक्तव्य बोलून सर्वांना आश्चर्यचकित केले आहे. त्याच्यामुळेच गाण्याला हा मान मिळाला असल्याचे त्याचे म्हणणे आहे.
सोनी टीव्हीने त्यांच्या अधिकृत इंस्टाग्राम अकाउंटवर 'द कपिल शर्मा शो'च्या आगामी भागाचा प्रोमो शेअर केला आहे. या प्रोमो व्हिडिओमध्ये अजय 'भोला' चित्रपटातील त्याची को-स्टार तब्बूसोबत ग्रँड एन्ट्री घेताना दिसत आहे. यादरम्यान कपिलने या दोघांसोबत खूप मस्ती केली. कपिलने अजय देवगणचे नाचो-नाचो गाण्यासाठी ऑस्कर जिंकल्याबद्दल अभिनंदन केले.
अजय देवगण म्हणाला, 'नाचो-नाचो' या गाण्याला माझ्यामुळेच ऑस्कर मिळाला आहे. कल्पना करा की त्या गाण्यात मी नाचलो असतो तर?' अशाप्रकारे अजय त्याच्या नृत्यकौशल्याची विनोद करत होता. दुसरीकडे, अजयचे हे वक्तव्य ऐकून सगळे हसू लागतात. या प्रोमोवर चाहत्यांनी त्यांची प्रतिक्रियांचा दिली आहे. अजयच्या सेन्स ऑफ ह्युमरवर कमेंट करताना एका यूजरने लिहिले आहे की, 'अजय सर जेव्हा जेव्हा द कपिल शर्मा शोमध्ये येतात तेव्हा उत्साह आणखीनच वाढतो.' दुसर्‍याने लिहिले, 'प्रिय तब्बू आणि अजयचा हा भाग पाहण्यासाठी प्रतीक्षा करू शकत नाही.'
'भोला' चित्रपटात अजय देवगण आणि तब्बूशिवाय अजय मिश्रा, विनीत कुमार आणि गजराज राव सारखे स्टार्सही आहेत. चित्रपटाने एडवांस तिकीट बुकिंगमध्ये चांगली कमाई केली आहे. हे पाहून 'भोला' हा चित्रपट बॉक्स ऑफिसवर धमाकेदार कमाई करणार असल्याची शक्यता वर्तवली जात आहे. विशेष म्हणजे यात अभिनयासोबतच अजयने दिग्दर्शनही केले आहे. 'भोला' हा चित्रपट ३० मार्चला चित्रपटगृहात दाखल होत आहे.
COMMENTS