आईच्या निधनानंतर माधुरी दीक्षितची भावूक पोस्ट..

मुंबई । नगर सह्याद्री  सुप्रसिद्ध अभिनेत्री माधुरी दीक्षितची आई स्नेहलता दीक्षित यांचे रविवारी (१२ मार्च) मुंबईमधील राहत्या घरी निधन झाले आह...

मुंबई । नगर सह्याद्री 

सुप्रसिद्ध अभिनेत्री माधुरी दीक्षितची आई स्नेहलता दीक्षित यांचे रविवारी (१२ मार्च) मुंबईमधील राहत्या घरी निधन झाले आहे. त्या ९१ वर्षांच्या होत्या. रविवारी दुपारी वरळी येथील स्मशानभूमीमध्ये स्नेहलता यांच्या पार्थिवावर अंत्यसंस्कार करण्यात आले. माधुरी व तिचे पती श्रीराम नेने यांनी स्नेहलता दीक्षित यांच्या निधनाची माहिती दिली. आईच्या निधनानंतर माधुरीने तिच्या सोशल मीडिया अकाऊंटद्वारे एक भावूक पोस्ट शेअर केली आहे.

आईच्या निधनानंतर माधुरी भावूक झाली आहे. तिला आईची आठवण सतावत आहे. स्नेहलता यांच्याबरोबरचा फोटो शेअर करत माधुरी म्हणाली, “आज सकाळी उठले आणि मला आईची खोली रिकामी दिसली. जीवन कसं जगायचं हे तिने आम्हाला शिकवलं. तिने बऱ्याच लोकांना खूप काही दिलं. तिची आम्हाला खूप आठवण येईल”.

“आमच्या आठवणींमध्ये ती कायम असणार. तिची बुद्धी, सकारात्मकता, आशिर्वाद कायमच चांगली उर्जा देणारे होते. तिच्या आठवणींद्वारे आम्ही संपूर्ण आयुष्य जगू, ओम शांती”. माधुरीने तिच्या या पोस्टद्वारे आईवरचे प्रेम व्यक्त केले आहे. तसेच संपूर्ण आयुष्यामध्ये आईच्या आठवणी कायमच बरोबर राहतील असंही माधुरी म्हणाली. माधुरीच्या या पोस्टनंतर अनेकांनी तिच्या आईला कमेंट करत श्रद्धांजली वाहिली आहे.