भारतात गेल्या २४ तासात ६४६ कोरोना रुग्ण आढळले असून, दोन मृत्यूची नोंद झाली आहे.
नवी दिल्ली / नगर सह्याद्री -
भारतात गेल्या २४ तासात ६४६ कोरोना रुग्ण आढळले असून, दोन मृत्यूची नोंद झाली आहे. राज्यातील एकूण संक्रमित लोकांची संख्या ४,४६,९६,९८४ वर पोहोचली आहे. देशातील एकूण मृतांची संख्या ५,३०,८०८ वर पोहोचली आहे. यात मृत्यूचे प्रमाण १.१९% आहे.
२४ तासांच्या कालावधीत कोविड-१९ चे ६,५५९ सक्रिय रुग्ण आढळले आहेत. यात कालच्या तुलनेत २०९ रुग्णांनी वाढ झाली आहे. एकूण संक्रमितांच्या तुलनेत हे प्रमाण ०.०१% आहे.
गेल्या २४ तासात कोरोनाचे ४३५ रुग्ण बरे झाले असून, रुग्णांचा राष्ट्रीय बरा होण्याचा दर ९८.८०% झाला आहे. तर एकूण बरे झालेल्यांची संख्या ४,४१,५९,६१७ आहे.
४३५ बरे झालेल्या रुग्णांपैकी महाराष्ट्र ७२, कर्नाटक ७१, केरळ ७०, गुजरात ४८, तेलंगणा ३९, तमिळनाडू ३७, दिल्ली ३४, ओडिशा १२, गोवा ११, हरियाणा १०, पंजाब ०९, जम्मू काश्मीर ०६, पश्चिम बंगाल ०५, मध्य प्रदेश ०४, पाँडिचेरी ०२, उत्तर प्रदेश, राजस्थान, उत्तराखंड, सिक्कीम आणि चंदीगडमधील प्रत्येकी एकाचा समावेश आहे.
०२ नवीन मृत्यूंमध्ये केरळ आणि राजस्थानमधील प्रत्येकी एकाचा समावेश आहे.
कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २२.६५ कोटींहून अधिक डोस देण्यात आले आहेत.
COMMENTS