भारतात गेल्या २४ तासात ३७९ कोरोना रुग्ण आढळले असून, महाराष्ट्रात एका मृत्यूची नोंद झाली आहे.
नवी दिल्ली / नगर सह्याद्री -
भारतात गेल्या २४ तासात ३७९ कोरोना रुग्ण आढळले असून, महाराष्ट्रात एका मृत्यूची नोंद झाली आहे. राज्यातील एकूण संक्रमित लोकांची संख्या ४,४६,८९,०७२ वर पोहोचली आहे. देशातील एकूण मृतांची संख्या ५,३०,७७६ वर पोहोचली आहे. यात मृत्यूचे प्रमाण १.१९% आहे.
२४ तासांच्या कालावधीत कोविड-१९ चे ३,१७७ सक्रिय रुग्ण आढळले आहेत. यात कालच्या तुलनेत १०१ रुग्णांनी वाढ झाली आहे. एकूण संक्रमितांच्या तुलनेत हे प्रमाण ०.०१% आहे.
गेल्या २४ तासात कोरोनाचे २७७ रुग्ण बरे झाले असून, रुग्णांचा राष्ट्रीय बरा होण्याचा दर ९८.८१% झाला आहे. तर एकूण बरे झालेल्यांची संख्या ४,४१,५५,११९ आहे.
२७७ बरे झालेल्या रुग्णांपैकी कर्नाटक १०६, केरळ ५६, महाराष्ट्र २९, तेलंगणा २१, तमिळनाडू १६, गुजरात ११, पंडुचेरी ०९, दिल्ली ०८, हरियाणा ०५, ओडिशा आणि पंजाबमधील प्रत्येकी ०४, पश्चिम बंगाल आणि राजस्थानमधील प्रत्येकी ०२, आंध्र प्रदेश, उत्तर प्रदेश, मध्य प्रदेश आणि चंदीगडमधील प्रत्येकी एकाचा समावेश आहे.
कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २२०,६४,३४,००० कोटींहून अधिक डोस देण्यात आले आहेत.
COMMENTS