भारतात गेल्या २४ तासात १,५९० कोरोना रुग्ण आढळले असून, सहा मृत्यूची नोंद झाली आहे.
नवी दिल्ली / नगर सह्याद्री -
भारतात गेल्या २४ तासात १,५९० कोरोना रुग्ण आढळले असून, सहा मृत्यूची नोंद झाली आहे. राज्यातील एकूण संक्रमित लोकांची संख्या ४,४७,०२,२५७ वर पोहोचली आहे. देशातील एकूण मृतांची संख्या ५,३०,८२४ वर पोहोचली आहे. यात मृत्यूचे प्रमाण १.१९% आहे.
२४ तासांच्या कालावधीत कोविड-१९ चे ८,६०१ सक्रिय रुग्ण आढळले आहेत. यात कालच्या तुलनेत ६७४ रुग्णांनी वाढ झाली आहे. एकूण संक्रमितांच्या तुलनेत हे प्रमाण ०.०१% आहे.
गेल्या २४ तासात कोरोनाचे ९१० रुग्ण बरे झाले असून, रुग्णांचा राष्ट्रीय बरा होण्याचा दर ९८.८०% झाला आहे. तर एकूण बरे झालेल्यांची संख्या ४,४१,६२,८३२ आहे.
९१० बरे झालेल्या रुग्णांपैकी महाराष्ट्र १९४, गुजरात १२९ केरळ १२७, कर्नाटक १२६, दिल्ली ७४, तमिळनाडू ५६, हिमाचल प्रदेश ३१, तेलंगणा २५, राजस्थान २२, गोवा १९, उत्तर प्रदेश आणि पंजाबमधील प्रत्येकी १४, हरियाणा, जम्मू काश्मीर आणि उत्तराखंडमधील प्रत्येकी १२, पाँडिचेरी ११, मध्य प्रदेश ०७, ओडिशा ०६, छत्तीसगड आणि चंदीगडमधील प्रत्येकी ०४, आंध्र प्रदेश, पश्चिम बंगालआणि झारखंडमधील प्रत्येकी ०३, बिहारमधील ०२ रुग्णांचा समावेश आहे.
०६ नवीन मृत्यूंमध्ये महाराष्ट्रातील ०३, कर्नाटक, राजस्थान अन उत्तराखंडमधील प्रत्येकी एकाचा समावेश आहे.
कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २२.६५ कोटींहून अधिक डोस देण्यात आले आहेत.
COMMENTS