भारतात गेल्या २४ तासात ९१७ कोरोना रुग्ण आढळले असून, चार मृत्यूची नोंद झाली आहे.
नवी दिल्ली / नगर सह्याद्री -
भारतात गेल्या २४ तासात ९१७ कोरोना रुग्ण आढळले असून, चार मृत्यूची नोंद झाली आहे. राज्यातील एकूण संक्रमित लोकांची संख्या ४,४६,९६,३३८ वर पोहोचली आहे. देशातील एकूण मृतांची संख्या ५,३०,८०६ वर पोहोचली आहे. यात मृत्यूचे प्रमाण १.१९% आहे.
२४ तासांच्या कालावधीत कोविड-१९ चे ६,३५० सक्रिय रुग्ण आढळले आहेत. यात कालच्या तुलनेत ४३५ रुग्णांनी वाढ झाली आहे. एकूण संक्रमितांच्या तुलनेत हे प्रमाण ०.०१% आहे.
गेल्या २४ तासात कोरोनाचे ४७९ रुग्ण बरे झाले असून, रुग्णांचा राष्ट्रीय बरा होण्याचा दर ९८.८०% झाला आहे. तर एकूण बरे झालेल्यांची संख्या ४,४१,५९,१८२ आहे.
४७९ बरे झालेल्या रुग्णांपैकी केरळ १०७, महाराष्ट्र ९२, दिल्ली ५३, गुजरात ४८, तमिळनाडू ३९, कर्नाटक ३८, तेलंगणा ३२, राजस्थान ११, हिमाचल प्रदेश १०, पंजाब ०९, हरियाणा ०८, जम्मू काश्मीर आणि पाँडिचेरीमधील प्रत्येकी ०७, उत्तर प्रदेश, पश्चिम बंगाल आणि ओडिशामधील प्रत्येकी ०४, उत्तराखंड आणि सिक्कीममधील प्रत्येकी ०२, आंध्र प्रदेश आणि बिहारमधील प्रत्येकी एकाचा समावेश आहे.
०४ नवीन मृत्यूंमध्ये राजस्थानमधील ०२, केरळ आणि कर्नाटकमधील प्रत्येकी एकाचा समावेश आहे.
कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २२,६५,०६,०४४ कोटींहून अधिक डोस देण्यात आले आहेत.
COMMENTS