गेल्या २४ तासात कोरोना रुग्णांत ४४० ने वाढ!

भारतात गेल्या २४ तासात ४४० कोरोना रुग्ण आढळले असून, ०३ मृत्यूची नोंद झाली आहे.

नवी दिल्ली / नगर सह्याद्री - 

भारतात गेल्या २४ तासात ४४० कोरोना रुग्ण आढळले असून, ०३ मृत्यूची नोंद झाली आहे. राज्यातील एकूण संक्रमित लोकांची संख्या ४,४६,८९,५१२ वर पोहोचली आहे. देशातील एकूण मृतांची संख्या ५,३०,७७९ वर पोहोचली आहे. यात मृत्यूचे प्रमाण १.१९% आहे. 

२४ तासांच्या कालावधीत कोविड-१९ चे ३,२९४ सक्रिय रुग्ण आढळले आहेत. यात कालच्या तुलनेत ११७ रुग्णांनी वाढ झाली आहे. एकूण संक्रमितांच्या तुलनेत हे प्रमाण ०.०१% आहे. 

गेल्या २४ तासात कोरोनाचे ३२० रुग्ण बरे झाले असून, रुग्णांचा राष्ट्रीय बरा होण्याचा दर ९८.८१% झाला आहे. तर एकूण बरे झालेल्यांची संख्या ४,४१,५५,४३९ आहे. 

 ३२० बरे झालेल्या रुग्णांपैकी केरळ ९४, कर्नाटक ७९, महाराष्ट्र ५०, तमिळनाडू १८, तेलंगणा १५, हिमाचल प्रदेश १३, दिल्ली ११, पंजाब ०७, गुजरात आणि हरियाणामधील प्रत्येकी ०६, पंडुचेरी ०५, राजस्थान ०३, पश्चिम बंगाल, ओडिशा, मध्य प्रदेश आणि गोवामधील प्रत्येकी ०२, आंध्र प्रदेश, उत्तर प्रदेश, बिहार, जम्मू काश्मीर आणि उत्तराखंडमधील प्रत्येकी एकाचा समावेश आहे. 

०३ नवीन मृतांपैकी केरळ, कर्नाटक आणि राजस्थानमधील प्रत्येकी एकाचा समावेश आहे.   

कोविड-१९ साठी देशव्यापी लसीकरण मोहिमेअंतर्गत आतापर्यंत लसींचे २२०,६४,४१,२३० कोटींहून अधिक डोस देण्यात आले आहेत.