अहमदनगर। नगर सहयाद्री - अहमदनगरच्या पारनेर तालुक्यातील पिंपळगाव रोठा या गावात ही धक्कादायक बातमी हाती अली आहे.जन्मदात्या पित्याने आपल्या मुल...
अहमदनगर। नगर सहयाद्री -
अहमदनगरच्या पारनेर तालुक्यातील पिंपळगाव रोठा या गावात ही धक्कादायक बातमी हाती अली आहे.जन्मदात्या पित्याने आपल्या मुलाची हत्या करून बायकोला जीवे मारण्याचा प्रयत्न करत स्वतः आत्महत्या केल्याची घटना घडली आहे. या घटनेने परिसरात एकच खळबळ उडाली आहे. घटनेची माहिती मिळताच पोलीस घटनास्थळी दाखल झाले.
वृत्त संस्थाच्या मिळालेल्या माहितीनुसार, अहमदनगरच्या पारनेर तालुक्यातील पिंपळगाव रोठा या गावातील रहिवासी संतोष राघू रासकर याने त्याचा ५ वर्षाचा मुलगा आदिनाशची हत्या केली. संतोषने त्याची बायको सुजाता संतोष रासकरला देखील जीवे मारण्याचा प्रयत्न करत संतोषने करत स्वत: देखील आत्महत्या केली आहे. मात्र सुदैवाने या प्रकरणात त्याची पत्नी गंभीर जखमी झाली. सुजाता यांच्यावर नगर येथील शासकीय रुग्णालयात उपचार सुरू आहेत.
पोलिसांना माहिती मिळताच पोलीस पथक पिंपळगाव रोठा या गावात घटनास्थळी रवाना झाले आहेत. मुलाच्या बापाच्या कृत्याने गावात खळबळ उडाली आहे.घरगुती कारणातून ही घटना घडली असे ग्रामस्तांच्या चर्चेतून समोर येत आहे. मात्र, या घटनेचे अद्याप ठोस कारण अद्याप कळू शकलेले नाही.पोलिसांनी या प्रकरणी तपास सुरू केला आहे.
COMMENTS