शिवजयंती मिरवणुकीतील वादावरून मारहाण

अहमदनगर | नगर सह्याद्री- छत्रपती शिवाजी महाराज जयंती निमित्त निघालेल्या मिरवणुकीत नाचत असताना तिघांसोबत झालेल्या वादातून एका युवकाला मारहाण ...

अहमदनगर | नगर सह्याद्री-

छत्रपती शिवाजी महाराज जयंती निमित्त निघालेल्या मिरवणुकीत नाचत असताना तिघांसोबत झालेल्या वादातून एका युवकाला मारहाण झाली. तो वाद पोलिसांनी मिटविल्यानंतर मारहाण झालेल्या युवकाला त्याचा भाऊ घरी घेऊन जात असताना पुन्हा त्या दोघां भावांना दिल्लीगेट परिसरात मारहाण करण्यात आली. या प्रकरणी तोफखाना पोलीस ठाण्यात गुन्हा दाखल करण्यात आला आहे.

जखमी गणेश संतोष भुजबळ (वय २१ रा. आगरकर वाडा, नालेगाव) यांनी दिलेल्या जबाबावरून गुन्हा दाखल झाला आहे. सुरज सदु पटला, नील गांधी, विवेक कांडापेल्ली (सर्व रा. झारेकर गल्ली, नगर) व इतर १० ते १५ जणांविरूद्ध गुन्हा दाखल झाला आहे. शुक्रवारी रात्री शिवजयंती मिरवणुकीत फिर्यादीचा भाऊ सनी संतोष भुजबळ नाचत असताना त्याचे सुरज, नील, विवेक यांच्यासोबत वाद झाले. 

या वादातून तिघांनी सनीला मारहाण केली. बंदोबस्तास असलेल्या पोलिसांनी तो वाद मिटवला. त्यानंतर फिर्यादी तेथे आले. ते सनीला घेऊन घरी जात असताना दिल्लीगेट परिसरातील म्हस्के लासेससमोर रात्री साडे बारा वाजता त्यांना अडवले. तुम्ही दोघे भाऊ आमच्या नादी लागायचे नाही, आम्ही नगरचे दादा आहोत, आमचा नगरमध्ये कोणी नाद करत नाहीफ, असे म्हणून सुरज पटला याने चाकूने फिर्यादीच्या डोयात वार केले. नील गांधीने लोखंडी गजाने मारहाण केली. विवेक कांडापेल्लीने सनी भुजबळ याला लाथाबुक्क्यांनी मारहाण करून जिवे मारण्याची धमकी दिली.