पाटण गाेळीबार प्रकरणाचा "मास्टरमाइंड " ठाण्याचा नगरसेवक, कारण आलं समाेर

  मुंबई।नगर सहयाद्री - पाटण तालुक्यातील गुरेघर येथे रविवारी झालेल्या गोळीबारात दोन जण ठार झाले. या घटनेत एक जण गंभीर जखमी झाला. या प्रकरणी प...

 

मुंबई।नगर सहयाद्री -

पाटण तालुक्यातील गुरेघर येथे रविवारी झालेल्या गोळीबारात दोन जण ठार झाले. या घटनेत एक जण गंभीर जखमी झाला. या प्रकरणी पाेलिसांनी मदन कदम यास ताब्यात घेतले आहे.जून्या वादातून घटना घडल्याची प्राथमिक माहिती मिळाली आहे.

वृत्तसंस्थाच्या माहितीनुसार, मदन कदम  हा मूळचा पाटण तालुक्यातील मल्हारपेठ येथील आहे. तो ठाणे महानगरपालिकेचा माजी नगरसेवक आहे. घटनेत ठार झालेल्यामध्ये श्रीरंग लक्ष्मण जाधव  आणि सतीश बाळासाहेब जाधव अशी मृतांची नाव आहेत. 

जुना वाद मिटवण्याची चर्चा सुरू असताना पुन्हा वादावादी झाली आणि त्यातच रागाच्या भरात मदन कदम याने गोळीबार केला असे सांगितले जात आहे. या घटनेनंतर पाटण तालुक्यात तणाव निर्माण झाला. मदन कदम याला पोलिसांनी ताब्यात घेतले आहे.या घटनेमुळे शहर व परिसरात तणावाचे वातावरण वातावरण निर्माण झालं आहे.