सिंधुदुर्ग। नगर सहयाद्री - मित्रांनी ठरवलं पार्टीला जायचं, सगळे मित्र जमा झाले, पार्टीला सुरुवात झाली. अचानक सुशांत खिल्लारे याला मित्रांनी...
सिंधुदुर्ग। नगर सहयाद्री -
मित्रांनी ठरवलं पार्टीला जायचं, सगळे मित्र जमा झाले, पार्टीला सुरुवात झाली. अचानक सुशांत खिल्लारे याला मित्रांनी मारण्यास सुरुवात केली. कमरेतला पट्टा काढला आणि त्याला इतकं मारलं की सुशांतचा जागीच मृत्यू झाला. बॉडीची विल्हेवाट लावण्यासाठी मित्रानी डाव आखला, अंबोली घाटात गेले आणि पुढे त्याला ढकलताना ज्या मित्रांनी मारला त्याचा तोल जाऊन मृत्यू झाला. अभय पाटील (३५), प्रविण बळीराम (२५) व राहूल माने (२३)अशी तिघा मित्रांची नावं आहेत. पोलिसांनी या तिघांना अटक केली आहे.
वृत्तसंस्थाच्या माहितीनुसार, भाऊसो माने तरुणाने सुशांतला ३ लाख रुपये दिले होते. पण ते पैसे सुशांत परत करू शकला नाही. त्यामुळे भाऊसो याने मित्रांसोबत प्लॅन केला आणि सुशांतचं अपहरण केलं. सगळे मित्र पार्टीसाठी बसले आणि अचानक त्यांनी सुशांत बेदम मारहाण करायला सुरुवात केली. कमरेतला पट्टा काढून सुशांतला इतकं मारलं की हृदयविकाराच्या झटक्यानं त्याचा जागीच मृत्यू झाला.
मृतदेहाची विल्हेवाट लावण्यासाठी आंबोली घाटात गेले. सुशांत याच्या मृतदेहाची विल्हेवाट लावताना भाऊसो याचाही तोल सरकला गेला आणि तो देखील दरीत कोसळला. ज्याने मित्राचा खून केला त्यालाच दरीत ढकलताना भाऊसोचाही जीव गेल्याने सगळ्या मित्रांमध्ये खळबळ उडाली. एक व्यक्ती दरीत कोसळला असल्याची माहिती मिळताच पोलीस तातडीने घटनास्थळी दाखल झाले.
मिळालेल्या माहीतीनुसार या प्रकरणात संशयित पवार याची कसून चौकशी केल्यानंतर हा प्रकार उघड झाला. पुढील चौकशी करण्यात आली. सर्व चौकशीत या प्रकरणात या तिघांचा थेट सहभाग असल्याचे तपासात निष्पन्न झाले. चौकशी दरम्यान त्यांनी आपण हा गुन्हा केल्याचे कबूल केले आहे. त्यानुसार त्यांना अटक करण्यात आली असून पुढील कारवाई करण्यात आली आहे.
COMMENTS