अहमदनगर / नगर सह्याद्री - सोशल मीडियावर ओळख झालेल्या विवाहितेला पळवून नेऊन तिच्यावर अत्याचार केल्याची घटना घडली आहे. नगर शहरात राहणार्‍या पी...
अहमदनगर / नगर सह्याद्री -
सोशल मीडियावर ओळख झालेल्या विवाहितेला पळवून नेऊन तिच्यावर अत्याचार केल्याची घटना घडली आहे. नगर शहरात राहणार्‍या पीडित विवाहितेने कोतवाली पोलीस ठाण्यात दिलेल्या फिर्यादीवरून अक्षय हम्मा चव्हाण (रा. शिर्सुफळ ता. बारामती, जि. पुणे) याच्याविरूद्ध अत्याचाराचा गुन्हा दाखल करण्यात आला आहे.
फिर्यादीची इंस्टाग्रामवरून अक्षय हम्मा चव्हाण यांच्यासोबत ओळख झाली होती. त्याने पोल्ट्री फार्म व डाळीबांचा बाग असल्याचे फिर्यादीला सांगितले होते. ते दोघे फोनवर बोलत होते. तेव्हा तो फिर्यादीला, ‘आपण दोघे सोबत राहु व तु तुझ्या नवर्‍यासोबत राहु नको, आपण दोघे लग्न करू’, असे म्हणत असे. ६ मार्चला अक्षय माळीवाडा बस स्थानकावर आला.
त्याने फिर्यादीला भेटण्यासाठी बोलावले. फिर्यादी तेथे गेल्यानंतर त्याने तिला शिर्सुफळ येथील पोल्ट्री फार्मवर नेले. तेथील एका खोलीवर नेऊन फिर्यादीसोबत बळजबरीने शारीरिक संबंध केले. तू जर माझे विरूद्ध पोलीस स्टेशनला तक्रार केली व आरडाओरडा केला तर तुला, तुझ्या घरच्यांना गोळ्या घालून जिवे मारीन, अशी धमकी दिली. दरम्यान फिर्यादीने तेथून सुटका करून तिच्या वडिलांना संपर्क केला. यानंतर नगर गाठून अक्षय हम्मा चव्हाण विरोधात फिर्याद दिली आहे.
COMMENTS