एकापाठोपाठ एक चित्रपट फ्लॉप होताना पाहून अक्षय घाबरला; घेतला हा निर्णय

अक्षय त्याचा बहुप्रतिक्षित चित्रपट 'ओह माय गॉड २' पडद्यावर प्रदर्शित न करण्याचानिर्णय घेतला आहे.

मुंबई / नगर सह्याद्री - 

अक्षय कुमारचे चित्रपट गेल्या काही दिवसांपासून चांगले चाललेले नाहीत. सम्राट पृथ्वीराज, राम सेतू आणि बच्चन पांडे हे सर्व चित्रपट बॉक्स ऑफिसवर फ्लॉप झाले. एवढेच नाही तर २०२२ च्या अखेरीस रिलीज झालेला अक्षयचा 'सेल्फी' चित्रपटही फ्लॉप झाला. आपले एकापाठोपाठ एक चित्रपट फ्लॉप होताना पाहून अक्षय कुमार घाबरला आहे. त्यामुळे अभिनेत्याने त्याचा बहुप्रतिक्षित चित्रपट 'ओह माय गॉड २' पडद्यावर प्रदर्शित न करण्याचा निर्णय घेतला आहे. 

अक्षय कुमारला बॉलिवूड इंडस्ट्रीचा 'खिलाडी' देखील म्हटले जाते. आपल्या चित्रपटांनी प्रेक्षकांना चित्रपटगृहांपर्यंत कसे खेचायचे हे त्याला चांगलेच माहीत आहे. अक्षयने त्याच्या करिअरमध्ये अनेक ब्लॉकबस्टर सिनेमे दिले आहेत. मात्र, गेल्या वर्षभरापासून चित्रपट फ्लॉप  होतांना पाहता अक्षय कुमारने त्याच्या 'ओह माय गॉड' या सुपरहिट चित्रपटाचा 'ओह माय गॉड २' चा सिक्वेल बॉक्स ऑफिसऐवजी ओटीटीवर रिलीज करण्याचा निर्णय घेतला आहे.

एका वेबसाइटच्या वृत्तानुसार, अक्षय कुमार स्टारर 'ओह माय गॉड २' चे निर्माते डायरेक्ट-टू-डिजिटल रिलीजच्या पर्यायावर विचार करत आहेत. चित्रपटाचे निर्माते वूट किंवा जियो वर रिलीज करण्याचा निर्णय घेत आहेत. मात्र, अद्याप कोणतीही अधिकृत घोषणा करण्यात आलेली नाही.

'ओह माय गॉड २' अमित राय दिग्दर्शित करत आहेत. तसेच अश्विन वर्दे आणि अक्षय कुमार हे त्याचे निर्माते आहेत. या चित्रपटात अक्षय कुमारसोबत पंकज त्रिपाठी, अरुण गोविल आणि यामी गौतम हे कलाकार मुख्य भूमिकेत दिसणार आहेत.

'ओह माय गॉड २' हा २०१२ मध्ये आलेल्या 'ओह माय गॉड' चित्रपटाचा सिक्वेल आहे. हा चित्रपट पडद्यावर येताच हिट ठरला आणि बॉक्स ऑफिसवर जबरदस्त कलेक्शन केले. 'ओह माय गॉड २' ची कथा भारतीय शिक्षण व्यवस्थेवर आधारित असेल, असे वृत्त आहे.