पुणे / नगर सहयाद्री- पुण्यामध्ये बेकायदेशीर रित्या पाकिस्तानी तरुण वास्तव्य करत असल्याचा धक्कादायक प्रकार समोर आला आहे. मोहम्मद अमान अन्सारी...
पुण्यामध्ये बेकायदेशीर रित्या पाकिस्तानी तरुण वास्तव्य करत असल्याचा धक्कादायक प्रकार समोर आला आहे. मोहम्मद अमान अन्सारी (वय 22) असे या तरुणाचे नाव असून भवानी पेठेतीलतो राहात होता अशी माहिती मिळाली आहे. या प्रकरणी गुन्हा दाखल करण्यात आला असून त्याला अटक केली आहे.
पुण्यात बेकायदा वास्तव्य करणारा पाकिस्तानी तरुण महम्मद अन्सारी बनावट कागदपत्रांद्वारे भारतीय पारपत्र मिळवले आहे. त्याने पुणे ते दुबई प्रवास केल्याचे तपासात उघडकीस आले असून, अटकेत असलेल्या अन्सारीची कसून चौकशी करण्यात येत आहे.
महम्मद अमान अन्सारी (वय २२) असे अटक करण्यात आलेल्याचे नाव आहे. या प्रकरणी अन्सारीविरुद्ध खडक पोलीस ठाण्यात फसवणूक, बनावट शासकीय कागदपत्रे तयार करणे, तसेच विदेशी व्यक्ती अधिनियम १९४६ कलम १४ आणि पारपत्र कायदा कलमान्वये गुन्हा दाखल करण्यात आला आहे.
COMMENTS