पुण्यातील घटना! हॉकी खेळण्याचा वादातून मित्राच्या ३ बहिणींवर प्राणघातक हल्ला

पुणे । नगर सह्याद्री -  पुण्यातून धक्कादायक घटना घडली आहे. हॉकी खेळण्याच्या वादातून ४ जणांनी मित्राच्या तीन बहिणींवर प्राणघातक हल्ला केला आह...

पुणे । नगर सह्याद्री - 

पुण्यातून धक्कादायक घटना घडली आहे. हॉकी खेळण्याच्या वादातून ४ जणांनी मित्राच्या तीन बहिणींवर प्राणघातक हल्ला केला आहे. या घटनेने परिसरात एकच खळबळ उडाली आहे. या प्रकरणी पोलिसांनी या प्रकरणी रामनाथ सहानी,राम सहानी आणि दोन जणांना पोलिसांनी अटक केली आहे. 

मिळालेल्या माहितीनुसार, पुण्यातील वारजे भागात हॉकी खेळण्याचा वादातून चार जणांनी केला मित्राच्या तीन बहिणींवर प्राणघातक हल्ला केल्याची घटना घडली आहे. चार जणांनी लोखंडी रॉड, पाईपने अल्पवयीन मुलींना मारहाण केली आहे.

टोळक्याने केलेल्या हल्ल्यात तीन अल्पवयीन मुली गंभीर जखमी झाली आहे. ११, १५ आणि १६ वर्षीय मुलींवर हल्ला करण्यात आला आहे. या प्रकरणी चार जणांना पोलिसांनी अटक केली आहे. कृष्णा सहानी यांनी या संदर्भात तक्रार दिली आहे.

पुण्याच्या वारजे भागात रविवारी रात्री ८.३० वाजण्याच्या सुमारास दांगट वस्ती जवळ घडली. फिर्यादी आणि आरोपी हे दोघेही एकमेकांना ओळखतात. या दोघांमध्ये मैदानावर हॉकी खेळावरून काही वाद झाले होते.

या गोष्टीचा राग मनात ठेवून आरोपींनी फिर्यादी कृष्णा याला मारण्यासाठी थेट घरात प्रवेश केला आहे. यावेळी आरोपींना कृष्णा दिसला नाही. त्यामुळे त्यांनी घरातील उपस्थित असलेल्या महिलांना लोखंडी रॉडने मारहाण केली आहे.

या हल्ल्यात कृष्णा यांची आई तसेच तीन लहान बहिणी यांच्यावर रामनाथ सहानी, राम सहानी आणि इतर दोन साथीदारांनी हल्ला केला. रक्ताच्या थारोळ्यात पडलेल्या या लहान मुलींना नागरिकांनी तात्काळ रुग्णालयात दाखल केले असून यातील दोन जणींची प्रकृती गंभीर आहे. या घटनेनंतर वारजे पोलिस ठाण्यात आरोपींच्या विरोधात हत्येचा प्रयत्न केल्याप्रकरणी गुन्हा दाखल करण्यात आला आहे.